Gunnar bestur á árinu að mati lesenda Vísis

„Það eru gleðifréttir og gaman að því,“ sagði Gunnar af sinni alkunnu hógværð í samtali við íþróttadeild. Hann segir að árið hafi verið gjöfult og gott fyrir sig.
„Það voru margir bardagar á árinu og svo eignaðist ég lítinn son. Það stendur auðvitað upp úr hjá mér,“ segir Gunnar sem barðist þrívegis á árinu. Hann bar sigurorð af Omari Akhmedov og Zak Cummings en tapaði svo heldur óvænt fyrir Rick Story í síðasta bardaga ársins. Það var hans fyrsta tap sem atvinnumaður í blönduðum bardagalistum.
„Ég er mjög sáttur við árið. Tapið gerir ekkert annað en að færa mig upp á næsta getustig enda þurfum við allir að ganga í gegnum svona lagað. Ég kann að meta þá leið sem fyrir mér liggur og þetta er alltaf spurning um hvað maður tekur með sér úr svona aðstæðum inn í næstu verkefni,“ segir Gunnar sem stefnir að því að berjast næst annað hvort í lok febrúar eða byrjun mars.
„Það er þó ekkert ákveðið með staðsetningu eða andstæðing en það stefnir allt í það,“ segir Gunnar sem barðist síðast í byrjun október. Hann hefur notið þess að vera í fríi og verja tíma með ungri fjölskyldu sinni.
„Ég barðist einu sinni rétt áður en hann fæddist og svo komu tveir bardagar fljótlega eftir það. Það var því nokkuð mikið að gera og gott að geta leyft hlutunum að jafna sig aðeins,“ segir Gunnar sem á sér engan sérstakan óskaandstæðing.
„Mér er nokkuð saman hverjum ég mæti næst. Flestallir eru sterkir og verðugir andstæðingar og ég efast ekki um að ég fái einn slíkan í næsta bardaga,“ segir Gunnar.
Ítarlegt viðtal við Gunnar verður að finna á íþróttavef Vísis í dag.
Tengdar fréttir

Börn ársins 2014: Frægir fjölga sér
Margir sólargeislar voru boðnir velkomnir í heiminn á árinu sem er að liða.

Við erum öll mannleg
Fyrirtækið Ekta Ísland hefur gert stuttmyndina Fellum grímuna. Þar stíga þjóðþekktir einstaklingar fram og segja frá vandamálum sem þeir glíma við.

Hefur aðeins horft á fyrsta tapið einu sinni á myndbandi
Gunnar Nelson hefur nýtt fríið til að æfa og eyða tíma með fjölskyldunni.

UFC 181: Barist um titilinn í þyngdarflokki Gunnars í nótt
UFC 181 fer fram í nótt í Las Vegas í Bandaríkjunum þar sem tveir titilbardagar fara fram. Anthony Pettis mun verja léttvigtarbelti sitt og Johny Hendricks ver veltivigtarbelti sitt gegn Robbie Lawler. Bein útsending hefst kl 3 í nótt á Stöð 2 Sport.

20 mest lesnu íþróttafréttir ársins á Vísi
Fréttir af Gunnari Nelson í þremur efstu sætunum.

Gunnar neitar að svelta sig fyrir léttvigtina
Býst við því að snúa aftur í hringinn í febrúar eða mars.

Gunnar Nelson vinsælastur á Google
Bardagakappinn Gunnar Nelson var gríðarlega vinsæll á árinu 2014 en leitað var eftir nafni hans tæplega 53.000 sinnum í leitarvélinni Google á árinu.

100 milljóna húsið sem Gunnar Nelson vill kaupa
Gunnar Nelson og hans heittelskaða, Auður Ómarsdóttir, hafa augastað á 358 fermetra eign við Kleifarveg sem metin er á tæpar 95 milljónir.

Viltu ekki vera með?
Rökrétt framhald er önnur breiðskífa Grísalappalísu en fyrsta skífan, Ali, féll nokkuð í skugga framúrskarandi frammistöðu hljómsveitarinnar á fjölmörgum tónleikum undanfarin misseri, sem hafa vakið verðskuldaða athygli.

Frumsýning á Vísi: "Þegar ég var að keppa í fitness fannst mér ég aldrei nógu flottur“
Í stiklu fyrir stuttmyndina Fellum grímuna stíga þjóðþekktir einstaklingar fram og tala meðal annars um baráttu við kvíða, meðvirkni og fullkomnunaráráttu.

Gunnar Nelson verður í horninu hjá McGregor
Gunnar Nelson fer til Boston eftir áramót og aðstoðar Conor McGregor.