Björk stjórnar útvarpsþætti

Tónlistarkonan Björk Guðmundsdóttir mun stjórna útvarpsþætti á stöðinni Rinse FM í London 19. febrúar ásamt Robin Carolan, stjórnanda útgáfunnar Tri Angle Records.

Björk hefur einnig tilkynnt um tónleika á Pohoda-hátíðinni í Slóvakíu í júlí og á Ostrava-hátíðinni í Tékklandi skömmu síðar.

Tilkynnt verður um fleiri tónleika á næstunni en Björk er um þessar mundir að kynna sína nýjustu plötu, Vulnicura, sem hefur fengið mjög góða dóma gagnrýnenda.