Arðbærara en sæstrengur Óli Kristján Ármannsson skrifar 6. mars 2015 07:00 Börn að leik við Ísaksskóla. Eins og staðan hefur verið síðustu ár hefur fjölgun á atvinnumarkaði ekki haldið í við þann fjölda sem á hverju ári heltist úr lestinni vegna örorku. Fréttablaðið/Stefán Nýtt samkomulag stjórnvalda og heildarsamtaka vinnumarkaðarins bindur enda á óvissu sem hópar utan vinnumarkaðar hafa þurft að sæta um þjónustu Virk starfsendurhæfingarsjóðs. Samkvæmt samkomulagi um framlög úr ríkissjóði til starfsendurhæfingarsjóða, sem skrifað var undir á miðvikudag, greiðir ríkið alls 1,5 til 1,6 milljarða króna til Virk á þessu ári og næstu tveimur þar á eftir. Á þessu ári verður framlag ríkisins 200 milljónir króna og 650 milljónir á næsta ári. Árið 2017 er gert ráð fyrir að framlagið verði fjárhæð sem nemur 0,06 prósentum af gjaldstofni tryggingagjalds, en áætlað er að upphæðin geti þá numið um 720 milljónum króna. Hannes G. Sigurðsson, stjórnarformaður Virk, segir þá lendingu sem nú sé búið að ná í málinu mikið fagnaðarefni. „Þessi ríkisstjórn er búin að gera sinn fyrsta samning um fullnaðarþátttöku í verkefninu og allar deilur um fjármögnun að baki,“ segir hann. Fyrir þetta samkomulag hafi Alþingi hins vegar ítrekað virt að vettugi í fjárlagavinnu sinni lög sem sett voru um starfsendurhæfingu og starfsemi starfsendurhæfingarsjóða árið 2010 og breytingar sem í kjölfarið hafi verið gerðar á lögum um tryggingagjald.Skrifað undir. Hannes G. Sigurðsson, stjórnarformaður Virk, Eygló Harðardóttir, félags- og húsnæðismálaráðherra, og Bjarni Benediktsson, fjármála- og efnahagsmálaráðherra, undirrituðu nýtt samkomulag á miðvikudag.Mynd/VelferðarráðuneytiðGreiðslur í starfsendurhæfingarsjóðinn áttu að skiptast jafnt á milli atvinnurekenda, lífeyrissjóða og ríkisins og tryggja að ekki væru „laumufarþegar“ í kerfinu. „Þegar ítrekað kemur fram vilji Alþingis um að taka ekki þátt í verkefninu verðum við að endurskoða þá stefnu sem tekin var í lögunum frá 2010 um að allir eigi rétt,“ segir Hannes. Við þetta hafi misst rétt til aðstoðar Virk-hópar á borð við ungmenni og örorkulífeyrisþega. „Ungmenni sem nú eru komin á framfærslu félagsstofnunar og sveitarfélaga og kannski þeir sem verið hafa langtímaatvinnulausir.“ Fyrirmyndina að aðkomu ríkisins nú segir Hannes sótta í fæðingarorlofssjóð þar sem ríkið greiði ákveðna fasta upphæð til þess að tryggja rétt þeirra sem ekki eru á vinnumarkaði. Ávinning af starfsendurhæfingu segir Hannes hins vegar ótvíræðan, því hún stoppi flæði inn í örorkuna og beini fólk inn á vinnumarkað á ný. Til mikils sé að vinna því horfið hafi af vinnumarkaði vegna örorku 12 til 15 hundruð manns á ári síðustu ár, fleiri heldur en nemi náttúrulegri fjölgun vinnandi fólks. Hannes segir vonir standa til þess að þingnefnd undir forystu Péturs Blöndals skili á vorþinginu frumvarpi til nýrra laga um almannatryggingar, þar sem starfsgetumat taki við af núverandi kerfi örorkumats. „Nái villtustu draumar fram að ganga og nýtt kerfi taki við um næstu áramót þá þarf að vera til staðar þetta kerfi starfsendurhæfingar og starfsgetumats sem yrði grundvöllur bótaúrskurða.“ Núna greiði ríkið árlega um 40 milljarða króna á ári vegna örorku fólks og lífeyrissjóðir um 15 milljarða. „Fjárfesting í Virk og starfsendurhæfingu og í nýju kerfi er einhver ábatasamasta fjárfesting sem þetta þjóðfélag getur ráðist í. Miklu arðbærari en sæstrengur.“ Alþingi Mest lesið Maðurinn fannst látinn Innlent Blöskrar framkoma sérsveitar og afskiptasemi nágranna Innlent Grunaðir um að skiptast á að nauðga konu Innlent Icelandair þurfi að kannast við reglur réttarríkisins Innlent Banaslys við Fossá Innlent Krefja blaðamann Samstöðvarinnar um fimmtán milljónir Innlent „Við getum ekki treyst Hagkaup í Skeifunni fyrir unglingunum“ Innlent Fjögur í varðhaldi vegna innbrota í Elko Innlent Inga skellihló að Sigurði Inga Innlent Faðirinn ekki lengur í einangrun Innlent Fleiri fréttir Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Garðabæ óheimilt að skerða þjónustu við ellefu ára stúlku Bein útsending: Málþing um fóstur- og nýburaskimanir Sjá meira
Nýtt samkomulag stjórnvalda og heildarsamtaka vinnumarkaðarins bindur enda á óvissu sem hópar utan vinnumarkaðar hafa þurft að sæta um þjónustu Virk starfsendurhæfingarsjóðs. Samkvæmt samkomulagi um framlög úr ríkissjóði til starfsendurhæfingarsjóða, sem skrifað var undir á miðvikudag, greiðir ríkið alls 1,5 til 1,6 milljarða króna til Virk á þessu ári og næstu tveimur þar á eftir. Á þessu ári verður framlag ríkisins 200 milljónir króna og 650 milljónir á næsta ári. Árið 2017 er gert ráð fyrir að framlagið verði fjárhæð sem nemur 0,06 prósentum af gjaldstofni tryggingagjalds, en áætlað er að upphæðin geti þá numið um 720 milljónum króna. Hannes G. Sigurðsson, stjórnarformaður Virk, segir þá lendingu sem nú sé búið að ná í málinu mikið fagnaðarefni. „Þessi ríkisstjórn er búin að gera sinn fyrsta samning um fullnaðarþátttöku í verkefninu og allar deilur um fjármögnun að baki,“ segir hann. Fyrir þetta samkomulag hafi Alþingi hins vegar ítrekað virt að vettugi í fjárlagavinnu sinni lög sem sett voru um starfsendurhæfingu og starfsemi starfsendurhæfingarsjóða árið 2010 og breytingar sem í kjölfarið hafi verið gerðar á lögum um tryggingagjald.Skrifað undir. Hannes G. Sigurðsson, stjórnarformaður Virk, Eygló Harðardóttir, félags- og húsnæðismálaráðherra, og Bjarni Benediktsson, fjármála- og efnahagsmálaráðherra, undirrituðu nýtt samkomulag á miðvikudag.Mynd/VelferðarráðuneytiðGreiðslur í starfsendurhæfingarsjóðinn áttu að skiptast jafnt á milli atvinnurekenda, lífeyrissjóða og ríkisins og tryggja að ekki væru „laumufarþegar“ í kerfinu. „Þegar ítrekað kemur fram vilji Alþingis um að taka ekki þátt í verkefninu verðum við að endurskoða þá stefnu sem tekin var í lögunum frá 2010 um að allir eigi rétt,“ segir Hannes. Við þetta hafi misst rétt til aðstoðar Virk-hópar á borð við ungmenni og örorkulífeyrisþega. „Ungmenni sem nú eru komin á framfærslu félagsstofnunar og sveitarfélaga og kannski þeir sem verið hafa langtímaatvinnulausir.“ Fyrirmyndina að aðkomu ríkisins nú segir Hannes sótta í fæðingarorlofssjóð þar sem ríkið greiði ákveðna fasta upphæð til þess að tryggja rétt þeirra sem ekki eru á vinnumarkaði. Ávinning af starfsendurhæfingu segir Hannes hins vegar ótvíræðan, því hún stoppi flæði inn í örorkuna og beini fólk inn á vinnumarkað á ný. Til mikils sé að vinna því horfið hafi af vinnumarkaði vegna örorku 12 til 15 hundruð manns á ári síðustu ár, fleiri heldur en nemi náttúrulegri fjölgun vinnandi fólks. Hannes segir vonir standa til þess að þingnefnd undir forystu Péturs Blöndals skili á vorþinginu frumvarpi til nýrra laga um almannatryggingar, þar sem starfsgetumat taki við af núverandi kerfi örorkumats. „Nái villtustu draumar fram að ganga og nýtt kerfi taki við um næstu áramót þá þarf að vera til staðar þetta kerfi starfsendurhæfingar og starfsgetumats sem yrði grundvöllur bótaúrskurða.“ Núna greiði ríkið árlega um 40 milljarða króna á ári vegna örorku fólks og lífeyrissjóðir um 15 milljarða. „Fjárfesting í Virk og starfsendurhæfingu og í nýju kerfi er einhver ábatasamasta fjárfesting sem þetta þjóðfélag getur ráðist í. Miklu arðbærari en sæstrengur.“
Alþingi Mest lesið Maðurinn fannst látinn Innlent Blöskrar framkoma sérsveitar og afskiptasemi nágranna Innlent Grunaðir um að skiptast á að nauðga konu Innlent Icelandair þurfi að kannast við reglur réttarríkisins Innlent Banaslys við Fossá Innlent Krefja blaðamann Samstöðvarinnar um fimmtán milljónir Innlent „Við getum ekki treyst Hagkaup í Skeifunni fyrir unglingunum“ Innlent Fjögur í varðhaldi vegna innbrota í Elko Innlent Inga skellihló að Sigurði Inga Innlent Faðirinn ekki lengur í einangrun Innlent Fleiri fréttir Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Garðabæ óheimilt að skerða þjónustu við ellefu ára stúlku Bein útsending: Málþing um fóstur- og nýburaskimanir Sjá meira