Barón blóðsins verður heiðursgestur á RIFF Gyða Lóa Ólafsdóttir skrifar 5. maí 2015 07:30 Leikstjórinn er heiðursgestur kvikmyndahátíðarinnar í ár. nordicphotos/Getty Kanadíski kvikmyndaleikstjórinn David Cronenberg verður heiðursgestur á RIFF, Alþjóðlegri kvikmyndahátíð í Reykjavík, og hlýtur á hátíðinni heiðursverðlaun fyrir æviframlag sitt til kvikmyndalistarinnar. Cronenberg, sem oft er nefndur konungur líkamlegs hryllings og barón blóðsins er einn af þekktustu kvikmyndaleikstjórum samtímans og hefur hlotið fjölda viðurkenninga og verðlauna á ferlinum, sem dæmi má nefna dómaraverðlaun í Cannes og Silfurbjörninn í Berlín. Árið 2006 hlaut hann heiðursverðlaunin Carrosse d'Or fyrir æviframlag sitt til kvikmyndalistarinnar á kvikmyndahátíðinni í Cannes. „Það er mjög ánægjulegt og mikill heiður að hann sé að koma á RIFF. Ég er mikill aðdáandi og ég tel hann tvímælalaust vera á meðal fremstu kvikmyndaleikstjóra samtímans,“ segir Hrönn Marinósdóttir, stjórnandi RIFF, og er að vonum ánægð með heiðursgestinn í ár. Cronenberg hefur aldrei komið til landsins áður og er að sögn Hrannar mjög spenntur og stefnir á að ferðast um landið ásamt eiginkonu sinni, Carolyn Zeifman. „Hver veit nema hann heillist og leggi drög að næstu mynd hér,“ segir Hrönn glöð í bragði. Leikstjórinn mun taka þátt í bransadögum hátíðarinnar þar sem íslenskir og erlendir kvikmyndagerðarmenn hittast og ráða ráðum sínum en að auki mun hann vera með masterclass og myndir í leikstjórn hans verða sýndar á hátíðinni. „Myndirnar hans eru ólíkar og hann hefur þróast mikið sem kvikmyndagerðarmaður, en hefur í gegnum tíðina lagt áherslu á hryllingsmyndir og sálfræðidrama,“ segir hún en líkt og áður sagði hefur Cronenberg verið nefndur konungur líkamlegs hryllings og barón blóðsins en kvikmyndir hans fara gegn hefðbundnum frásagnarstíl og fjalla oft og tíðum á myrkan hátt um eðli mannsins og eru líkami mannsins, umbreytingar og sýkingar algeng umfjöllunarefni. „Þetta eru svona margslungnar myndir má segja, en þær eiga það flestar sameiginlegt að vera mjög spennandi og áhugaverðar,“ segir Hrönn og bætir við: „Hann er líka flinkur við að sprengja upp kvikmyndaformið og fá áhorfendur til þess að sitja alveg límda í sætunum.“RIFF-hátíðin verður haldin í tólfta sinn og hefst þann 24. september næstkomandi. Bíó og sjónvarp RIFF Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Kanadíski kvikmyndaleikstjórinn David Cronenberg verður heiðursgestur á RIFF, Alþjóðlegri kvikmyndahátíð í Reykjavík, og hlýtur á hátíðinni heiðursverðlaun fyrir æviframlag sitt til kvikmyndalistarinnar. Cronenberg, sem oft er nefndur konungur líkamlegs hryllings og barón blóðsins er einn af þekktustu kvikmyndaleikstjórum samtímans og hefur hlotið fjölda viðurkenninga og verðlauna á ferlinum, sem dæmi má nefna dómaraverðlaun í Cannes og Silfurbjörninn í Berlín. Árið 2006 hlaut hann heiðursverðlaunin Carrosse d'Or fyrir æviframlag sitt til kvikmyndalistarinnar á kvikmyndahátíðinni í Cannes. „Það er mjög ánægjulegt og mikill heiður að hann sé að koma á RIFF. Ég er mikill aðdáandi og ég tel hann tvímælalaust vera á meðal fremstu kvikmyndaleikstjóra samtímans,“ segir Hrönn Marinósdóttir, stjórnandi RIFF, og er að vonum ánægð með heiðursgestinn í ár. Cronenberg hefur aldrei komið til landsins áður og er að sögn Hrannar mjög spenntur og stefnir á að ferðast um landið ásamt eiginkonu sinni, Carolyn Zeifman. „Hver veit nema hann heillist og leggi drög að næstu mynd hér,“ segir Hrönn glöð í bragði. Leikstjórinn mun taka þátt í bransadögum hátíðarinnar þar sem íslenskir og erlendir kvikmyndagerðarmenn hittast og ráða ráðum sínum en að auki mun hann vera með masterclass og myndir í leikstjórn hans verða sýndar á hátíðinni. „Myndirnar hans eru ólíkar og hann hefur þróast mikið sem kvikmyndagerðarmaður, en hefur í gegnum tíðina lagt áherslu á hryllingsmyndir og sálfræðidrama,“ segir hún en líkt og áður sagði hefur Cronenberg verið nefndur konungur líkamlegs hryllings og barón blóðsins en kvikmyndir hans fara gegn hefðbundnum frásagnarstíl og fjalla oft og tíðum á myrkan hátt um eðli mannsins og eru líkami mannsins, umbreytingar og sýkingar algeng umfjöllunarefni. „Þetta eru svona margslungnar myndir má segja, en þær eiga það flestar sameiginlegt að vera mjög spennandi og áhugaverðar,“ segir Hrönn og bætir við: „Hann er líka flinkur við að sprengja upp kvikmyndaformið og fá áhorfendur til þess að sitja alveg límda í sætunum.“RIFF-hátíðin verður haldin í tólfta sinn og hefst þann 24. september næstkomandi.
Bíó og sjónvarp RIFF Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira