Snorri Hrafnkelsson úr Njarðvík í KR

KR hefur liðsstyrk fyrir titilvörnina í Domino's-deild karla í körfubolta næsta vetur, en framherjinn Snorri Hrafnkelsson hefur ákveðið að ganga í raðir liðsins.

Þessi 200 cm hái leikmaður, sem kemur til KR frá Njarðvík, skoraði 4,7 stig að meðaltali í leik og tók þrjú fráköst á þeim 15 mínútum sem hann spilaði í leik.

„Þetta er hávaxinn og öflugur leikmaður sem hentar leikstíl okkar vel. Við skoðuðum hann fyrir þremur árum þegar hann fór í Keflavík þannig að við höfum fylgst með honum lengi,“ segir Finnur Freyr Stefánsson, þjálfari KR, um Snorra við Fréttablaðið.

Magni Hafsteinsson hefur lagt skóna á hilluna og svo gæti „meira gerst“ segir Finnur spurður hvort Snorri fái margar mínútur hjá meisturunum í vetur.

„Við lítum á hann sem leikmann sem getur haft áhrif strax og einnig til framtíðar,“ segir Finnur Freyr.