Olivia Wilde glæsileg á forsýningu Vinyl

Leikkonan Olivia Wilde var stórglæsileg á rauða dreglinum er sjónvarpsþáttaserían Vinyl var frumsýnd í New York með pompi og pragt. Síður svartur kjóll hennar og netið sem hún var með á höfðinu fangaði athygli tískumiðla sem hafa hrósað henni hástert fyrir fatavalið. 

Meðal annarra sem mættu að frumsýninguna voru Martin Scorsese og Mick Jagger en þeir erum aðalframleiðendur þáttana, ekki amalegt tvíeyki þar á ferð. Sá síðarnefndi gaf aðalleikkonunni lítið eftir í silfurjakka með svartan klút. 

Mikil eftirvænting er eftir þáttunum vestanhafs en sögusviðið er plötuútgáfa á áttunda áratugnum í New York. Búningarnir hafa til dæmis hlotið mikið lof. Sjá smá sýnishorn neðst í fréttinni.

Þess má til gamans geta að þættirnir munu ekki fara framhjá okkur á Íslandi en þeir fara í sýningu á Stöð 2 þann 14.febrúar, en um heimsfrumsýningu er að ræða.