Hætta að rukka fyrir gagnamagn og sportstöðvar 365 sameinast Jóhann Óli Eiðsson skrifar 1. febrúar 2016 15:38 Sævar Freyr Þráinsson er spenntur fyrir breytingunum. vísir/daníel „Við erum búin að undirbúa þessar breytingar í töluverðan tíma,“ segir Sævar Freyr Þráinsson forstjóri 365 í samtali við Vísi. Á starfsmannafundi í dag kynnti hann breytingar á sjónvarpsdagskrá og fjarskiptaþjónustu fyrirtækisins sem tekin verður í gagnið á næstunni. Meðal þess sem viðskiptavinum verður boðið upp á er ótakmarkað niðurhal og gagnamagn bæði á netinu og í símanum. Netáskrifendur sem eru jafnframt áskrifendur af einhverjum sjónvarpstilboðspökkum fyrirtækisins fá ótakmarkað niðurhal á 1.000 krónur á mánuði. Fyrstu tuttugu gígabætin eru ókeypis og því geta sparsamir netnotendur greitt ekkert fyrir netið utan gjalds fyrir netbeininn og ljósleiðaralínuna heim í hús. Að auki verður boðið upp á nýjung sem nefnist Endalaust GSM. Áskrifendur þess fá ótakmarkaðar mínútur og SMS óháð því hvaða símfyrirtæki móttakandi símtalsins er. Endalaust gagnamagn fylgir áskriftarleiðinni en fyrir þetta greiða notendur 2.990 krónur á mánuði. Aðeins er greitt aukalega fyrir notkun erlendis, símtöl til útlanda og í þjónustunúmer á boð við 1818 og 900 númer. „Hér á landi og í löndum kringum okkur hefur notkun á gagnamagni orðið stærri og stærri þáttur. Þess vegna ákváðum við að taka þennan áhyggjuþátt fólks út úr jöfnunni því fjölmargir hafa ekki tilfinningu fyrir því hve mikið gagnamagn það hefur notað. Núna verður þetta einfalt. Endalaust gagnamagn, mínútur og SMS á föstu verði þannig fólk þarf ekki að óttast óvænta reikninga vegna umframnotkunar,“ segir Sævar Freyr.Hægt að horfa hvar sem er, hvenær sem er Einnig var kynnt til sögunnar nýtt smáforrit, Sjónvarp 365 appið, sem fylgir með tilboðspökkum frá og með 1. mars næstkomandi. Appið er unnið í samstarfi við OZ og mun gera áskrifendum að horfa hvar og hvenær sem er í gegnum snjallsíma, spjaldtölvur og netvafra. Þeir sem einnig eru skráðir með netið eða símann hjá 365 geta, líkt og áður segir, horft án þess að hafa áhyggjur af gagnamagni. „Þarna er á ferðinni bæði hefðbundið smáforrit fyrir iOs tæki en síðar verður það einnig í boði fyrir Apple TV, Fire TV og venjulegan vafra. Með því móti getur fólk valið þá dreifileið sem hentar því best til að nálgast sitt efni,“ segir Sævar Freyr. Sportpakkarnir, eins og þeir hafa verið hingað til, munu leggjast af og í stað þess verður boðið upp á einn stóran pakka. Áður var enski boltinn sér og aðrar greinar og mót á sér stöð en það breytist von bráðar. „Langflestir voru í báðum sportpökkunum og okkur þykir þetta skref í rétta átt. Þetta gefur okkur meira frjálsræði til að stilla efninu upp á stöðvunum. Við bjóðum upp á tvær háskerpusportstöðvar og hingað til hefur önnur þeirra alltaf verið bundin við sport og hin við sport tvö. Núna getum við til að mynda boðið upp á tvo leiki í enska í háskerpu og leyft okkur að láta efnið flæða aðeins á milli stöðva,“ segir Sævar Freyr. Meðal annarra hluta sem fram komu á starfsmannafundinum má nefna að farið var yfir þær sjónvarpsþáttaraðir, innlendar sem erlendar, sem boðið verður upp á í vetur. Sævar Freyr kom einnig inn á vinnu sem fyrirtækið hefur lagt í til að bæta þjónustu við viðskiptavini. Sem dæmi um það má nefna að meðalbiðtími í þjónustuveri fyrirtækisins er aðeins brotabrot af því sem hann var fyrir hálfu ári og að fyrirhugað er að einfalda allt viðmót á reikningum fyrir viðskiptavini.365 er útgefandi Vísis. Hér fyrir neðan má sjá nýja auglýsingu fyrirtækisins þar sem fyrrnefndar breytingar eru kynntar til leiks. Tækni Mest lesið „Alltaf leiðindamál að lenda í svona“ Viðskipti erlent Framkvæmdastjóri í góðri æfingu með brandara og hrekki Atvinnulíf Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Að sleikja narsisstann upp í vinnunni Atvinnulíf Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
„Við erum búin að undirbúa þessar breytingar í töluverðan tíma,“ segir Sævar Freyr Þráinsson forstjóri 365 í samtali við Vísi. Á starfsmannafundi í dag kynnti hann breytingar á sjónvarpsdagskrá og fjarskiptaþjónustu fyrirtækisins sem tekin verður í gagnið á næstunni. Meðal þess sem viðskiptavinum verður boðið upp á er ótakmarkað niðurhal og gagnamagn bæði á netinu og í símanum. Netáskrifendur sem eru jafnframt áskrifendur af einhverjum sjónvarpstilboðspökkum fyrirtækisins fá ótakmarkað niðurhal á 1.000 krónur á mánuði. Fyrstu tuttugu gígabætin eru ókeypis og því geta sparsamir netnotendur greitt ekkert fyrir netið utan gjalds fyrir netbeininn og ljósleiðaralínuna heim í hús. Að auki verður boðið upp á nýjung sem nefnist Endalaust GSM. Áskrifendur þess fá ótakmarkaðar mínútur og SMS óháð því hvaða símfyrirtæki móttakandi símtalsins er. Endalaust gagnamagn fylgir áskriftarleiðinni en fyrir þetta greiða notendur 2.990 krónur á mánuði. Aðeins er greitt aukalega fyrir notkun erlendis, símtöl til útlanda og í þjónustunúmer á boð við 1818 og 900 númer. „Hér á landi og í löndum kringum okkur hefur notkun á gagnamagni orðið stærri og stærri þáttur. Þess vegna ákváðum við að taka þennan áhyggjuþátt fólks út úr jöfnunni því fjölmargir hafa ekki tilfinningu fyrir því hve mikið gagnamagn það hefur notað. Núna verður þetta einfalt. Endalaust gagnamagn, mínútur og SMS á föstu verði þannig fólk þarf ekki að óttast óvænta reikninga vegna umframnotkunar,“ segir Sævar Freyr.Hægt að horfa hvar sem er, hvenær sem er Einnig var kynnt til sögunnar nýtt smáforrit, Sjónvarp 365 appið, sem fylgir með tilboðspökkum frá og með 1. mars næstkomandi. Appið er unnið í samstarfi við OZ og mun gera áskrifendum að horfa hvar og hvenær sem er í gegnum snjallsíma, spjaldtölvur og netvafra. Þeir sem einnig eru skráðir með netið eða símann hjá 365 geta, líkt og áður segir, horft án þess að hafa áhyggjur af gagnamagni. „Þarna er á ferðinni bæði hefðbundið smáforrit fyrir iOs tæki en síðar verður það einnig í boði fyrir Apple TV, Fire TV og venjulegan vafra. Með því móti getur fólk valið þá dreifileið sem hentar því best til að nálgast sitt efni,“ segir Sævar Freyr. Sportpakkarnir, eins og þeir hafa verið hingað til, munu leggjast af og í stað þess verður boðið upp á einn stóran pakka. Áður var enski boltinn sér og aðrar greinar og mót á sér stöð en það breytist von bráðar. „Langflestir voru í báðum sportpökkunum og okkur þykir þetta skref í rétta átt. Þetta gefur okkur meira frjálsræði til að stilla efninu upp á stöðvunum. Við bjóðum upp á tvær háskerpusportstöðvar og hingað til hefur önnur þeirra alltaf verið bundin við sport og hin við sport tvö. Núna getum við til að mynda boðið upp á tvo leiki í enska í háskerpu og leyft okkur að láta efnið flæða aðeins á milli stöðva,“ segir Sævar Freyr. Meðal annarra hluta sem fram komu á starfsmannafundinum má nefna að farið var yfir þær sjónvarpsþáttaraðir, innlendar sem erlendar, sem boðið verður upp á í vetur. Sævar Freyr kom einnig inn á vinnu sem fyrirtækið hefur lagt í til að bæta þjónustu við viðskiptavini. Sem dæmi um það má nefna að meðalbiðtími í þjónustuveri fyrirtækisins er aðeins brotabrot af því sem hann var fyrir hálfu ári og að fyrirhugað er að einfalda allt viðmót á reikningum fyrir viðskiptavini.365 er útgefandi Vísis. Hér fyrir neðan má sjá nýja auglýsingu fyrirtækisins þar sem fyrrnefndar breytingar eru kynntar til leiks.
Tækni Mest lesið „Alltaf leiðindamál að lenda í svona“ Viðskipti erlent Framkvæmdastjóri í góðri æfingu með brandara og hrekki Atvinnulíf Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Að sleikja narsisstann upp í vinnunni Atvinnulíf Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira