Krafist gæsluvarðhalds yfir grunuðum vinnumansalsmanni
Birgir Olgeirsson skrifar
Húsið í Vík í Mýrdal þar sem konurnar unnu.Vísir/Þórhildur Þorkelsdóttir.
Lögreglustjórinn á Suðurlandi hefur lagt fyrir Héraðsdóm Suðurlands kröfu um gæsluvarðhald yfir manni sem handtekinn var í Vík í Mýrdal í gær grunaður um vinnumansal. Búist er við afstöðu dómara til kröfunnar síðar í dag. Rannsóknardeild ákærusvið lögreglustjórans á Suðurlandi fer með rannsókn málsins og nýtur aðstoðar mansalsteymi lögreglustjórans á höfuðborgarsvæðinu.
Þórhildur Þorkelsdóttir, fréttakona Stöðvar 2, var í Vík í Mýrdal í dag og fjallar ítarlega um málið í kvöldfréttartíma Stöðvar 2 klukkan 18:30 í kvöld, í opinni dagskrá.
Fjölmennt lið lögreglumanna tók þátt í aðgerðum vegna vinnumansals í Vík í dag. Einn karlmaður er í haldi lögreglu og tvær konur hafa stöðu þolenda mansals.
