Skýr skilaboð frá Conor McGregor á Instagram í kvöld: Enginn feluleikur framundan

Conor McGregor notaði Instagram-síðu sína til að tjá sig um fjaðrafokið sem hefur verið í kringum hann á samfélagsmiðlum og í fjölmiðlum eftir að fimmtán bardaga sigurganga hans endaði í Las Vegas í nótt.

Conor McGregor er enn kokhraustur þrátt fyrir tapið í nótt og lofar því að hann breytist ekkert þrátt fyrir að hafa orðið undir á móti Nate Diaz. McGregor hoppaði upp um tvo þyngdarflokka og það var of mikið fyrir hann.

Sjá einnig:Diaz hengdi Conor | Fimmtán bardaga sigurgöngu lokið

„Ég kom á fullu inn í bardagann og gaf allt mitt í þetta. Ég tók áhættu og það gekk ekki upp. Ég mun aldrei afsaka það að hafa tekið áhættu," skrifaði Conor McGregor á Instagram-síðu sína.

„Ég mun taka þessu tapi eins og karlmaður. Ég mun ekki fara í felur. Látið mig vita ef einhver annar meistari hoppar upp um tvo þyngdarflokka. Ef þið eruð orðin leið á því að heyra mig tala um peninga, fáið ykkur bara lúr," skrifaði Conor McGregor.

„Takk fyrir stuðninginn en þið hinir getið étið það sem úti frýs. Ég elska þetta allt og ég fæ mér áfram steik í morgunmat," skrifaði Conor McGregor.

Sjá einnig:Svona vann Diaz Conor | Sjáðu bardagann í heild sinni

„Ég hef verið í stöðu sem þessari oft áður. Ég mun drekka allt í mig og koma sterkari til baka," skrifaði McGregor áður en hann notaði líka tækfiærið og lét Jose Aldo heyra það.

„Aldo þú ert gunga. Þegar sagan verður skrifuð þá mun þar standa að ég lét sjá mig en þú birtist bara á Twitter. Ég mun aldrei flýja áskorun eða hlaupa frá mótlæti. Nate, ég mun hitta þig aftur," skrifaði Conor McGregor að lokum.

I stormed in and put it all on the line. I took a shot and missed. I will never apologize for taking a shot. Shit happens. I'll take this loss like a man. I will not shy away from it. I will not change who I am. If another champion goes up 2 weights let me know. If your tired of me talking money, take a nap. I'll still be here when you wake up with the highest PPV and the gate. Still talking multi 7's. Thank you to the true support and fuck the hate that came out of the woodwork. I love it all. Its still steak for breakfast. I've been here many times in my life in some form or another. I'll eat it all and come back stronger. Aldo you are a pussy. Dos anjos you are a pussy. When the history books are written, I showed up. You showed up on Twitter. To the fans! Never ever shy away from challenges. Never run from adversity. Face yourself head on. Nate I will see you again.

A photo posted by Conor McGregor Official (@thenotoriousmma) on Mar 6, 2016 at 12:52pm PST