Hin nítján ára Alexandra Andresen frá Noregi er yngsti milljarðamæringur heims samkvæmt tímaritinu Forbes. Hún kemst inn á lista tímaritsins yfir milljarðamæringa heimsins í fyrsta sinn nú í ár.
Auðæfi Alexöndru eru tilkomin vegna hluts hennar í fjölskyldufyrirtækinu Ferd. Fyrirtækið á rætur sínar að rekja til þess þegar langalangalangaafi Alexöndru kom á laggirnar tóbaksframleiðslufyrirtæki sem var það stærsta í landinu í hálfa aðra öld.
Alexandra er nýskriðin úr menntaskóla í heimalandinu og virðist að því er Forbes greinir frá hafa lítinn áhuga á því að fylgjast með störfum fyrirtækisins. Í staðinn ver hún tíma sínum á hestbaki, en hún þykir með efnilegustu knöpum Noregs og hefur unnið til verðlauna á mótum víðsvegar um Evrópu.
Sjá einnig: Björgólfur Thor hækkar um nærri 300 sæti á Forbes-listanum
Hlutur Alexöndru í fyrirtækinu er metinn á 1,2 milljarða Bandaríkjadala, rúmlega 150 milljarða íslenskra króna. Jafnstóran hlut á eldri systir hennar, Katharina, sem stundar leggur stund á félagsvísindanám við Háskólann í Amsterdam.
Þrátt fyrir að vera metnar á rúman milljarð Bandaríkjadala hvor, hafa systurnar þar til nýlega náð að lifa tiltölulega eðlilegu lífi. Þær rötuðu fyrst í fjölmiðla við sautján ára aldur en þá voru skattaframtöl þeirra gerð opinber. Katharina greindi frá því í viðtali við norska sjónvarpsstöð að hún hefði fengið fimm hundruð nýjar vinabeiðnir á Facebook eftir að fyrst var greint frá auðæfum hennar.
Nítján ára stúlkan frá Noregi sem er yngsti milljarðamæringur heims

Tengdar fréttir

25 ára og metinn á 270 milljarða
Evan Spiegel, stofnandi snjallsímaforritsins Snapchat, er yngsti maðurinn á lista tímaritsins Forbes yfir ríkasta fólkið í Bandaríkjunum.

Björgólfur Thor hækkar um nærri 300 sæti á Forbes-listanum
Metinn á 206 milljarða. Bill Gates áfram ríkasti maður heims.

Þetta er ríkasta fólk Bandaríkjanna
Engin kona er á lista yfir 10 ríkustu Bandaríkjamennina.

Kendall Jenner í fyrsta sinn á lista Forbes
Ofurfyrirsætan skipar 16 sæti listans yfir hæst launuðustu fyrirsætur í heiminum í dag.