Justin Shouse fékk verðlaunin afhent í dag eins og hinir fimm í úrvalsliðinu en verðlaunin hans Justins voru þó ekki í heil lagi lengi.
Justin varð nefnilega fyrir því óláni að missa verðlaunin sín í gólfið og þau mölbrotnuðu. KKÍ brást vel við þessu og ætlar að redda nýjum verðlaunum fyrir kappann.
Justin Shouse er á sínu tíunda ári í úrvalsdeildinni og á sínu ellefta á Íslandi en hann á enn eftir að kynnast því að verða Íslandsmeistari. Justin vann bikarinn í fjórða sinn á síðustu leiktíð og hann
Nú er að sjá hvort "fall" verðlaunanna hans Justins í dag verði faraheill fyrir Justin Shouse og hans lið í úrslitakeppninni.
Stjarnan mætir Njarðvík í átta liða úrslitunum og er fyrsti leikurinn í Ásgarði á föstudagskvöldið.
Hér fyrir neðan má sjá ástandið á verðlaunum Justins eftir flugferðina.
Not my favorite way to start the postseason! Gotta warm up my hands! https://t.co/AYCzqSdtxv
— jshouse (@shousey12) March 15, 2016
