Mamma er góð fyrirmynd Elín Albertsdóttir skrifar 10. mars 2016 10:00 Fallegur leðurjakki. Edda Borg notar jakkann við sparidressið en hann passar líka vel við gallabuxur. MYND/ANTON BRINK Edda í uppáhaldsjakkanum frá Guess sem hún keypti í Los Angeles.MYND/ANTON BRINK Edda Borg tónlistarkona mætti prúðbúin þegar Íslensku tónlistarverðlaunin voru afhent á föstudagskvöld en hún sat í dómnefnd fyrir djass og blús. Á laugardag fermdi hún síðan yngsta barnið sitt af fjórum og lét að sjálfsögðu tónlistina flæða um kirkjuna. Það þarf kannski ákveðið hugrekki til að mæta í appelsínugulum leðurjakka við sparidressið en Edda segist fara sínar eigin leiðir þegar kemur að fatavali og litum. „Ég er ekkert að eltast við ákveðna tískustrauma en hef mikinn áhuga á fötum. Ég kaupi föt sem mér finnst töff,“ segir Edda og bætir við að líklegast hafi hún erft áhuga á fallegum fötum frá móður sinni sem er tæpra 79 ára og alltaf glæsileg til fara. Móðir hennar, Herdís Eggertsdóttir, kölluð Lillý, var lengi bæjarstjórafrú í Bolungarvík. „Mamma er mjög flott kona svo ég hef haft góða fyrirmynd,“ segir Edda. „Leðurjakkann keypti ég á Laugaveginum í verslun þar sem Eva var áður. Búðin hætti stuttu síðar. Það er gott dæmi um mín fatakaup. Ég var í allt öðrum erindagjörðum þegar ég sá hann í glugga og bara keypti hann,“ segir hún. „Í seinni tíð kaupi ég sjaldnar föt, vel betri og dýrari efni. Þegar ég fer til útlanda gríp ég eitthvað með mér heim ef það heillar mig. Ég fer ekki í verslunarferðir en kaupi þegar ég dett niður á eitthvað fallegt. Núna á ég til dæmis uppáhaldsjakka frá Guess. Hann er stuttur, hentar kannski ekki vel í kulda en ég er oft í peysu undir sem kemur niður undan honum – ekkert mjög smart,“ segir hún. „Þetta er skinnjakki sem ég keypti í Los Angeles.“Taugar til L.A. Edda bjó lengi í Los Angeles og fer þangað oft. Hún ætlar að vera þar eitthvað í sumar enda á hún og eiginmaður hennar, Bjarni Sveinbjörnsson tónlistarmaður, mikið af vinum þar. „Við byrjuðum að búa í L.A., fyrir 32 árum, þegar Bjarni var þar í námi og síðan aftur í eitt ár 2001. Auk þess förum við yfirleitt á sumrin í heimsókn. Ég hef verið að sinna tónlistinni minni í L.A. auk þess að hafa verið meðlimur í Herbalife í sautján ár.“ Edda hefur sungið á frægum djass-stað í L.A. sem nefnist The Baked Potato. Ekki er ómögulegt að hún komi fram á tónleikum þar í sumar. „Það verður spennandi að koma aftur til Bandaríkjanna. Mér finnst ég vera komin heim þegar ég kem til Los Angeles.“Tónlist án orða Fyrir tveimur árum kom fyrsta sólóplata Eddu út sem nefnist No Words Needed. Lögin eru í „Smooth Jazz/Fusion“ stíl og eru öll eftir Eddu. Með henni leika Friðrik Karlsson og Bjarni, maður hennar. Platan inniheldur þægilega tónlist án söngs þótt Edda raddi í tveimur lögum. „Platan mín hefur fengið frábærar viðtökur í Bandaríkjunum og því hef ég verið að fylgja eftir. Hún hefur fengið minni spilun hér. Það kemst því miður ekki öll tónlist í spilun á íslensku útvarpsstöðvunum. Ég hef lengi samið tónlist en er ekkert sérstaklega góð að gera texta. Þess vegna er þetta tónlist án orða,“ útskýrir Edda sem hefur þó mikið sungið í gegnum árin, meðal annars í Eurovision, auk þess að reka Tónskóla Eddu Borg í 27 ár. Fimmtán kennarar starfa við skólann og stunda 150 nemendur þar nám, allt frá fimm ára aldri. „Það er nóg að gera í músíkinni alla daga. Eftir öll þessi ár er líka gaman að sjá gamla nemendur úti í tónlistarlífinu. Í janúar var ég á Sinfóníutónleikum í Eldborg þar sem einleikarinn var fyrrverandi nemandi Tónskólans. Það fyllir mann stolti. Það má kannski segja að maður sé alltaf að búa til tónlistarmenn,“ segir Edda. „Margir fara frá okkur í frekara nám í tónlist og aðrir verða góður hlustendur.“Fimmtug og ný plata Edda er að undirbúa aðra plötu sem hún stefnir á að koma á markað í haust þegar hún fagnar 50 ára afmæli sínu. „Ég er að velta fyrir mér hvort ég fagni þessum tímamótum með afmælistónleikum og plötu. Það væri að minnsta kosti mjög skemmtilegt,“ segir Edda enda hefur hún komið víða við á löngum tónlistarferli. Íslensku tónlistarverðlaunin Mest lesið Kossaflens á klúbbnum Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Hringdi í mömmu sem sagði einfaldlega: „Nói, nú kemur þú heim“ Áskorun Trúlofuðu sig í laxveiði Lífið Herra stal hund Sunnevu og mætti með hann í Bannað að hlæja Lífið Krúttlegustu áheyrnarprufur ársins Lífið Enn veldur Britney áhyggjum Lífið „Hálfur áratugur með þér my love“ Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira
Edda í uppáhaldsjakkanum frá Guess sem hún keypti í Los Angeles.MYND/ANTON BRINK Edda Borg tónlistarkona mætti prúðbúin þegar Íslensku tónlistarverðlaunin voru afhent á föstudagskvöld en hún sat í dómnefnd fyrir djass og blús. Á laugardag fermdi hún síðan yngsta barnið sitt af fjórum og lét að sjálfsögðu tónlistina flæða um kirkjuna. Það þarf kannski ákveðið hugrekki til að mæta í appelsínugulum leðurjakka við sparidressið en Edda segist fara sínar eigin leiðir þegar kemur að fatavali og litum. „Ég er ekkert að eltast við ákveðna tískustrauma en hef mikinn áhuga á fötum. Ég kaupi föt sem mér finnst töff,“ segir Edda og bætir við að líklegast hafi hún erft áhuga á fallegum fötum frá móður sinni sem er tæpra 79 ára og alltaf glæsileg til fara. Móðir hennar, Herdís Eggertsdóttir, kölluð Lillý, var lengi bæjarstjórafrú í Bolungarvík. „Mamma er mjög flott kona svo ég hef haft góða fyrirmynd,“ segir Edda. „Leðurjakkann keypti ég á Laugaveginum í verslun þar sem Eva var áður. Búðin hætti stuttu síðar. Það er gott dæmi um mín fatakaup. Ég var í allt öðrum erindagjörðum þegar ég sá hann í glugga og bara keypti hann,“ segir hún. „Í seinni tíð kaupi ég sjaldnar föt, vel betri og dýrari efni. Þegar ég fer til útlanda gríp ég eitthvað með mér heim ef það heillar mig. Ég fer ekki í verslunarferðir en kaupi þegar ég dett niður á eitthvað fallegt. Núna á ég til dæmis uppáhaldsjakka frá Guess. Hann er stuttur, hentar kannski ekki vel í kulda en ég er oft í peysu undir sem kemur niður undan honum – ekkert mjög smart,“ segir hún. „Þetta er skinnjakki sem ég keypti í Los Angeles.“Taugar til L.A. Edda bjó lengi í Los Angeles og fer þangað oft. Hún ætlar að vera þar eitthvað í sumar enda á hún og eiginmaður hennar, Bjarni Sveinbjörnsson tónlistarmaður, mikið af vinum þar. „Við byrjuðum að búa í L.A., fyrir 32 árum, þegar Bjarni var þar í námi og síðan aftur í eitt ár 2001. Auk þess förum við yfirleitt á sumrin í heimsókn. Ég hef verið að sinna tónlistinni minni í L.A. auk þess að hafa verið meðlimur í Herbalife í sautján ár.“ Edda hefur sungið á frægum djass-stað í L.A. sem nefnist The Baked Potato. Ekki er ómögulegt að hún komi fram á tónleikum þar í sumar. „Það verður spennandi að koma aftur til Bandaríkjanna. Mér finnst ég vera komin heim þegar ég kem til Los Angeles.“Tónlist án orða Fyrir tveimur árum kom fyrsta sólóplata Eddu út sem nefnist No Words Needed. Lögin eru í „Smooth Jazz/Fusion“ stíl og eru öll eftir Eddu. Með henni leika Friðrik Karlsson og Bjarni, maður hennar. Platan inniheldur þægilega tónlist án söngs þótt Edda raddi í tveimur lögum. „Platan mín hefur fengið frábærar viðtökur í Bandaríkjunum og því hef ég verið að fylgja eftir. Hún hefur fengið minni spilun hér. Það kemst því miður ekki öll tónlist í spilun á íslensku útvarpsstöðvunum. Ég hef lengi samið tónlist en er ekkert sérstaklega góð að gera texta. Þess vegna er þetta tónlist án orða,“ útskýrir Edda sem hefur þó mikið sungið í gegnum árin, meðal annars í Eurovision, auk þess að reka Tónskóla Eddu Borg í 27 ár. Fimmtán kennarar starfa við skólann og stunda 150 nemendur þar nám, allt frá fimm ára aldri. „Það er nóg að gera í músíkinni alla daga. Eftir öll þessi ár er líka gaman að sjá gamla nemendur úti í tónlistarlífinu. Í janúar var ég á Sinfóníutónleikum í Eldborg þar sem einleikarinn var fyrrverandi nemandi Tónskólans. Það fyllir mann stolti. Það má kannski segja að maður sé alltaf að búa til tónlistarmenn,“ segir Edda. „Margir fara frá okkur í frekara nám í tónlist og aðrir verða góður hlustendur.“Fimmtug og ný plata Edda er að undirbúa aðra plötu sem hún stefnir á að koma á markað í haust þegar hún fagnar 50 ára afmæli sínu. „Ég er að velta fyrir mér hvort ég fagni þessum tímamótum með afmælistónleikum og plötu. Það væri að minnsta kosti mjög skemmtilegt,“ segir Edda enda hefur hún komið víða við á löngum tónlistarferli.
Íslensku tónlistarverðlaunin Mest lesið Kossaflens á klúbbnum Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Hringdi í mömmu sem sagði einfaldlega: „Nói, nú kemur þú heim“ Áskorun Trúlofuðu sig í laxveiði Lífið Herra stal hund Sunnevu og mætti með hann í Bannað að hlæja Lífið Krúttlegustu áheyrnarprufur ársins Lífið Enn veldur Britney áhyggjum Lífið „Hálfur áratugur með þér my love“ Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira