Njarðvíkingar jöfnuðu á móti KR í undanúrslitaeinvígi liðanna í Domino´s deild karla í körfubolta í gær og fylgdu þar með fordæmi Tindastólsmanna sem jöfnuðu metin á móti Haukum daginn áður.
Njarðvíkingar unnu upp 24 stiga mun KR-liðsins á síðustu sautján mínútum leiksins í Ljónagryfjunni í gær og Haukur Helgi Pálsson skoraði síðan sigurkörfuna rétt fyrir leikslok.
Haukur Helgi lék þar eftir afrek Stefan Bonneau í undanúrslitunum fyrra þegar Bonneau tryggði Njarðvík sigur á KR í leik tvö í Ljónagryfjunni.
Þetta er í fyrsta sinn í þrjú ár sem staðan er 1-1 í báðum undanúrslitaeinvígunum en það var jafnframt aðeins að gerast í þriðja skiptið á síðustu tíu árum.
Á síðustu níu árum hefur það verið algengara að staðan sé 2-0 í báðum einvígum (3 sinnum; 2008, 2009 og 2011) en að staðan sé 1-1 (2 sinnum; 2013 og 2016).
Körfuboltaáhugamenn eru því að upplifa þá spennu og dramatík sem þeir hlutlausu sækjast eftir en fyrir liðin er næsti leikur gríðarlega mikilvægur.
Leikur þrjú í einvígi Hauka og Tindastóls fer fram á Ásvöllum á morgun laugardag en þriðji leikurinn í einvígi KR og Njarðvíkur verður í DHL-höllinni í Vesturbæ á sunnudagskvöldið.
Staðan eftir tvo leiki í undanúrslitaeinvígunum síðustu tíu árin:
2016
KR 1-1 Njarðvík
Haukar 1-1 Tindastóll
2015
KR 1-1 Njarðvík [Fór 3-2]
Tindastóll 2-0 Haukar [Fór 3-1]
2014
KR 2-0 Stjarnan [Fór 3-1]
Grindavík 1-1 Njarðvík [Fór 3-2]
2013
Grindavík 1-1 KR [Fór 3-1]
Snæfell 1-1 Stjarnan [Fór 1-3]
2012
Grindavík 2-0 Stjarnan [Fór 3-1]
KR 1-1 Þór Þorl. [Fór 1-3]
2011
Snæfell 0-2 Stjarnan [Fór 0-3]
KR 2-0 Keflavík [Fór 3-2]
2010
KR 1-1 Snæfell [Fór 2-3]
Keflavík 2-0 Njarðvík [Fór 3-1]
2009
KR 2-0 Keflavík [Fór 3-0]
Grindavík 2-0 Snæfell [Fór 3-1]
2008
Keflavík 0-2 ÍR [Fór 3-2]
Grindavík 0-2 Snæfell [Fór 1-3]
2007
Njarðvík 1-1 Grindavík [Fór 3-2]
KR 1-1 Snæfell [Fór 3-2]
1-1 í báðum einvígum í fyrsta sinn í þrjú ár

Tengdar fréttir

Geggjuð sigurkarfa hjá Hauki Helga
Haukur Helgi Pálsson var hetja Njarðvíkinga í kvöld er hann tryggði liðinu sigur á KR í Ljónagryfjunni.

Umfjöllun og viðtöl: Njarðvík - KR 88-86 | Staðan jöfn eftir magnaða endurkomu Njarðvíkinga
Haukur Helgi Pálsson tryggði Njarðvík sigur á KR í öðrum leik liðanna í undanúrslitum Domino's deildar karla.

Umfjöllun, viðtöl og myndir: Haukar - Tindastóll 73-61 | Haukar vörðu heimavöllinn
Frábær varnarleikur í seinni hálfleik skilaði Haukum sigri á Tindastóli og 1-0 stöðu í einvíginu.

Umfjöllun og viðtöl: Tindastóll - Haukar 69-68 | Stólarnir jöfnuðu einvígið
Staðan í einvígi Tindastóls og Hauka í undanúrslitum Dominos-deildar karla er 1-1 eftir geggjaðan spennuleik á Króknum í kvöld.

Pavel: Getum skráð KR í sögubækurnar
KR spilar sinn fyrsta leik í tólf daga þegar liðið mætir Njarðvík í undanúrslitum Domino's-deildar karla í kvöld.

Umfjöllun, viðtöl myndir: KR - Njarðvík 69-67 | KR vann í tvíframlengdum leik
Ótrúlegur körfuboltaleikur í Frostaskjólinu í kvöld.