Leikdagar í undanúrslitum Dominos-deildar karla

Haukar og Tindastóll keyra undanúrslitin í Dominos-deild karla í gang á sunnudagskvöldið þegar liðin mætast í fyrsta leik í Schenker-höllinni að Ásvöllum klukkan 19.15.

KKÍ er búið að gefa út leikdaga og tíma fyrir undanúrslitin en fyrsti leikur KR og Njarðvíkur verður í DHL-höllinni í vesturbæ Reykjavíkur á mánudagskvöldið klukkan 19.15.

Haukar unnu Þór Þorlákshöfn, 3-1, í átta liða úrslitunum og Tindastóll vann Keflavík, 3-1. KR fór auðveldlega í gegnum Grindavík, 3-0, en Njarðvík lagði Stjörnuna eftir oddaleik, 3-2.

Allir leikirnir verða í beinni útsendingu á Stöð 2 Sport en Dominos-Körfuboltakvöld verður fyrst sent út frá undanúrslitunum úr DHL-höllinni á mánudagskvöldið.

Leikdagar í viðureign KR og Njarðvíkur:

Leikur 1 | 04.04 apr KR - Njarðvík, 19.15

Leikur 2 | 07.04 apr Njarðvík - KR, 19.15

Leikur 3 | 10.04 apr KR - Njarðvík, 19.15

Leikur 4 | 13.04 apr Njarðvík - KR, 19.15 (ef þarf)

Leikur 5 | 15.04 apr KR - Njarðvík, 19.15 (ef þarf)

Leikdagar í viðureign Hauka og Tindastóls:

Leikur 1 | 03.04 apr Haukar - Tindastóll, 19.15

Leikur 2 | 06.04 apr Tindastóll - Haukar, 19.15

Leikur 3 | 09.04 apr Haukar - Tindastóll, 17.00

Leikur 4 | 12.04 apr Tindastóll - Haukar, 19.15 (ef þarf)

Leikur 5 | 15.04 apr Haukar - Tindastóll, 19.15 (ef þarf)