Kompany missir af EM

Vincent Kompany fyrirliðið belgíska landsliðsins og fyrirliði Manchester City mun missa af EM í Frakklandi vegna meiðsla sem hann hefur verið að glíma við á nára. Þetta mun vera gríðarlegt áfall fyrir belgíska liðið sem hefur sjaldan eða aldrei verið með eins gott lið.

Leikmaðurinn varð að fara af velli eftir tíu mínútna leik þegar City mætti Real Madrid í undanúrslitum Meistaradeildar Evrópu á miðvikudagskvöldið.

Kompany hefur verið mikið meiddur á tímabilinu og aðeins tekið þátt í 22 leikjum af þeim 57 sem Manchester City hefur leikið.