Júlíus Vífill sagður hafa viðurkennt að Panama-peningarnar væru eftirlaunasjóður Ingvars Helgasonar Nanna Elísa Jakobsdóttir skrifar 18. maí 2016 21:09 Júlíus Vífill Ingvarsson tók lagið ásamt Grétu Hergilsdóttur óperusöngkonu við opnun kosningskrifstofu sinnar í prófkjöri Sjálfstæðismanna árið 2013. Systkini Júlíusar Vífils Ingvarssonar bera hann og bróður hans, Guðmund Ágúst Ingvarsson, þungum sökum í Kastljósi í kvöld. Eins og fram hefur komið telja þau bræðurna hafa falið lífeyrissjóði foreldra þeirra í aflandsfélögum, ekki aðeins frá þeim systkinum heldur frá móður þeirra systkina. Þau segja Júlíus Vífil hafa hringt í sig eftir Kastljós-þáttinn fyrsta sem fjallaði um Panama-skjölin og sýndur var 4. apríl og viðurkennt þetta. Hann neitar því hvorki né játar í dag. Þetta kom fram í Kastljós þætti kvöldsins og er greint frá málinu á RÚV. Sjá einnig: Systkini Júlíusar Vífils gruna hann um græsku Júlíus Vífill segir ásakanir systkina sinna illmælgi og að þetta séu algjör ósannindi. Hann segir að um getgátur og dylgjur sé að ræða sem ekki byggi á neinum gögnum. Þetta kom fram í yfirlýsingu hans til Kastljóss en hann hefur ekki svarað símtölum fréttastofu Vísis í kvöld. Eftirlaunasjóður Ingvars hvarf Foreldrar Júlíusar Vífils voru þau Ingvar Helgason og Sigríður Guðmundsdóttir. Ingvar lést árið 1999 og Sigríður í fyrra en hún sat í óskiptu búi eftir að eiginmaður hennar lést. Hún hóf leit að eftirlaunasjóði sínum og eiginmanns hennar sem sagður er hafa átt að tryggja þeim hjónum ljúfan ævidag sama hvernig færi á Íslandi. Þessi sjóður fannst hvergi. Nú vilja systkini Júlíusar að dánarbúinu verði veitt heimild til að veita bresku rannsóknarfyrirtæki umboð til þess að leita að sjóðnum. Guðrún Ingvarsdóttir systir Júlíusar Vífils Ingvarssonar ber hann þungum sökum.Skjáskot af RÚV Þegar Ingvar lést var fyrirtæki hans Ingvar Helgason metið á mörg hundruð milljónir en á aðeins fáeinum árum breyttist eignastaða fyrirtækisins og skuldir jukust. Á sama tíma hækkuðu laun stjórnenda. Árið 2001 vildi erlendur fjárfestir kaupa 18 prósenta hlut í fyrirtækinu sem þá hafði sameinast Bílheimum. Það var fyrirtækið Lindos Alliance sem var samkvæmt fundargerðum staðsett í Lúxemborg. Ætlaði fjárfestirinn að kaupa hlutinn á 300 milljónir íslenskra króna sem þótti undarlegt sökum þess að skuldir fyrirtækisins námu 200 milljónum. Eftirgrennslan bresks rannsóknarfyrirtækis leiðir í ljós að félagið Lindos Alliance var aldrei staðsett í Lúxemborg heldur á skattparadísinni Tortóla. Erfitt hefur reynst að finna út um raunverulegt eignarhald þess. Systkinin vilja fá svör. Guðrún Ingvarsdóttir sagði í Kastljósi vilja komast til botns í málinu enda sé verið að sýsla með lífeyrisfé foreldra hennar. „Það er alltaf verið að ljúga að manni að þeir séu ekki til.“ Þá sagði Ágúst Jóhannsson barnabarn hjónanna greinilegt að bræðurnir hefðu eitthvað að fela þegar reikningar föður þeirra komu til tals eftir að Sigríður lést. Hún fékk aldrei vitneskju um hvert peningar eiginmanns hennar hefðu farið eins og áður hefur komið fram. „Henni var haldið utan við þetta af börnunum sínum,“ sagði Ágúst í þætti kvöldsins. Ágúst heldur því einnig fram að Júlíus Vífill hafi hringt í sig og viðurkennt að eftirlaunasjóður foreldra hans sé geymdur í félaginu Silwood Foundation á Panama. Hann hafi ætlað að skila þeim í dánarbúið en það hafi aldrei gefist réttur tími. Júlíus Vífill ákærður fyrir peningaþvætti Mest lesið Endurvekur ferðabannið Erlent Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Innlent Krefst fimm prósenta til varnarmála: „Allir þurfa að leggja hönd á plóg“ Erlent Réttað yfir sakhæfum Ym fyrir luktum dyrum Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Ríkið keypti nýjan sendiherrabústað á 750 milljónir Innlent Öryggismál að eiga reiðufé heima fyrir „ef í harðbakkann slær“ Innlent Felldu tillögu um að olíusjóðurinn sniðgengi fyrirtæki á hernumdu svæðunum Erlent Rúmur helmingur ánægður með störf Höllu Innlent Fleiri fréttir Með hvalssporð um hálsinn við þingfestingu Sári djúpt snortinn yfir stuðningi Sundhöllinni lokað vegna reyks Rúmur helmingur ánægður með störf Höllu Réttað yfir sakhæfum Ym fyrir luktum dyrum Svara fyrir skýrslu fjármálaeftirlitsnefndar Rignir enn fyrir norðan þótt heldur hafi dregið úr ákefðinni Ofurölvi þjófur gisti í fangageymslu Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Sjá meira
Systkini Júlíusar Vífils Ingvarssonar bera hann og bróður hans, Guðmund Ágúst Ingvarsson, þungum sökum í Kastljósi í kvöld. Eins og fram hefur komið telja þau bræðurna hafa falið lífeyrissjóði foreldra þeirra í aflandsfélögum, ekki aðeins frá þeim systkinum heldur frá móður þeirra systkina. Þau segja Júlíus Vífil hafa hringt í sig eftir Kastljós-þáttinn fyrsta sem fjallaði um Panama-skjölin og sýndur var 4. apríl og viðurkennt þetta. Hann neitar því hvorki né játar í dag. Þetta kom fram í Kastljós þætti kvöldsins og er greint frá málinu á RÚV. Sjá einnig: Systkini Júlíusar Vífils gruna hann um græsku Júlíus Vífill segir ásakanir systkina sinna illmælgi og að þetta séu algjör ósannindi. Hann segir að um getgátur og dylgjur sé að ræða sem ekki byggi á neinum gögnum. Þetta kom fram í yfirlýsingu hans til Kastljóss en hann hefur ekki svarað símtölum fréttastofu Vísis í kvöld. Eftirlaunasjóður Ingvars hvarf Foreldrar Júlíusar Vífils voru þau Ingvar Helgason og Sigríður Guðmundsdóttir. Ingvar lést árið 1999 og Sigríður í fyrra en hún sat í óskiptu búi eftir að eiginmaður hennar lést. Hún hóf leit að eftirlaunasjóði sínum og eiginmanns hennar sem sagður er hafa átt að tryggja þeim hjónum ljúfan ævidag sama hvernig færi á Íslandi. Þessi sjóður fannst hvergi. Nú vilja systkini Júlíusar að dánarbúinu verði veitt heimild til að veita bresku rannsóknarfyrirtæki umboð til þess að leita að sjóðnum. Guðrún Ingvarsdóttir systir Júlíusar Vífils Ingvarssonar ber hann þungum sökum.Skjáskot af RÚV Þegar Ingvar lést var fyrirtæki hans Ingvar Helgason metið á mörg hundruð milljónir en á aðeins fáeinum árum breyttist eignastaða fyrirtækisins og skuldir jukust. Á sama tíma hækkuðu laun stjórnenda. Árið 2001 vildi erlendur fjárfestir kaupa 18 prósenta hlut í fyrirtækinu sem þá hafði sameinast Bílheimum. Það var fyrirtækið Lindos Alliance sem var samkvæmt fundargerðum staðsett í Lúxemborg. Ætlaði fjárfestirinn að kaupa hlutinn á 300 milljónir íslenskra króna sem þótti undarlegt sökum þess að skuldir fyrirtækisins námu 200 milljónum. Eftirgrennslan bresks rannsóknarfyrirtækis leiðir í ljós að félagið Lindos Alliance var aldrei staðsett í Lúxemborg heldur á skattparadísinni Tortóla. Erfitt hefur reynst að finna út um raunverulegt eignarhald þess. Systkinin vilja fá svör. Guðrún Ingvarsdóttir sagði í Kastljósi vilja komast til botns í málinu enda sé verið að sýsla með lífeyrisfé foreldra hennar. „Það er alltaf verið að ljúga að manni að þeir séu ekki til.“ Þá sagði Ágúst Jóhannsson barnabarn hjónanna greinilegt að bræðurnir hefðu eitthvað að fela þegar reikningar föður þeirra komu til tals eftir að Sigríður lést. Hún fékk aldrei vitneskju um hvert peningar eiginmanns hennar hefðu farið eins og áður hefur komið fram. „Henni var haldið utan við þetta af börnunum sínum,“ sagði Ágúst í þætti kvöldsins. Ágúst heldur því einnig fram að Júlíus Vífill hafi hringt í sig og viðurkennt að eftirlaunasjóður foreldra hans sé geymdur í félaginu Silwood Foundation á Panama. Hann hafi ætlað að skila þeim í dánarbúið en það hafi aldrei gefist réttur tími.
Júlíus Vífill ákærður fyrir peningaþvætti Mest lesið Endurvekur ferðabannið Erlent Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Innlent Krefst fimm prósenta til varnarmála: „Allir þurfa að leggja hönd á plóg“ Erlent Réttað yfir sakhæfum Ym fyrir luktum dyrum Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Ríkið keypti nýjan sendiherrabústað á 750 milljónir Innlent Öryggismál að eiga reiðufé heima fyrir „ef í harðbakkann slær“ Innlent Felldu tillögu um að olíusjóðurinn sniðgengi fyrirtæki á hernumdu svæðunum Erlent Rúmur helmingur ánægður með störf Höllu Innlent Fleiri fréttir Með hvalssporð um hálsinn við þingfestingu Sári djúpt snortinn yfir stuðningi Sundhöllinni lokað vegna reyks Rúmur helmingur ánægður með störf Höllu Réttað yfir sakhæfum Ym fyrir luktum dyrum Svara fyrir skýrslu fjármálaeftirlitsnefndar Rignir enn fyrir norðan þótt heldur hafi dregið úr ákefðinni Ofurölvi þjófur gisti í fangageymslu Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Sjá meira