Greta Salome Stefánsdóttir var talsvert frá því að komast upp úr fyrri undanriðli Eurovision söngvakeppninnar sem fram fór síðastliðinn þriðjudag. Greta endaði í fjórtánda sæti en tíu efstu þjóðirnar komust áfram.
Síðasta lag inn í úrslitin var Króatía en það hlaut 133 stig þegar atkvæði dómnefndar og úr símakosningu höfðu verið lögð saman. Greta hlaut alls 51 stig en næsta lag inn í úrslit var lag Bosníu og Herzegóvínu sem hlaut 104 stig.
Ísland hlaut flest stig frá spænsku dómnefndinni eða alls sjö stig. Tékkar, Eistar og Finnar gáfu okkur fjögur stig. Að auki komumst við á blað hjá Austurríki, Króatíu, Kýpur, Ungverjalandi og Svíþjóð.
Rússar báru örugglega sigur úr bítum á undankvöldinu með 342 stig en Armenar og Malta fylgdu eftir í næstu sætum með yfir 200 stig. Úrslit undankvöldsins í heild má sjá hér.
Greta Salóme var talsvert frá því að komast áfram
Tengdar fréttir
Erlendir blaðamenn ósáttir um örlög Gretu: „Þetta er mjög ósanngjarnt“
Erlendir blaðamenn spöruðu ekki stóru orðin eftir fyrstu undankeppni Eurovision í Stokkhólmi í gærkvöldi, en eins og flestir vita eru Íslendingar ekki með á laugardaginn.
Ungverskur aðdáandi Gretu tekur lagið á íslensku
„Tónlistin hennar breytti lífi mínu."
Nöfn þeirra sem skipa íslensku dómnefndina í Eurovision
Áhorfendur taka þátt í símakosningunni og þá mun fimm manna dómnefnd frá Íslandi einnig hafa sitt að segja.
Norðmenn og Danir kenna sjálfum sér um dapurt gengi í Eurovision
Danir á því að atriði þeirra hafi verið litlaust og flatt en Norðmenn segja Evrópu ekki hafa skilið lagið sitt.
