„Börn hafa ekkert gert til þess að stífla orkustöðvarnar sínar“ Kolbeinn Tumi Daðason skrifar 23. maí 2016 16:05 Hildur Þórðardóttir, forsetaframbjóðandi. Hildur Þórðardóttir forsetaframbjóðandi telur að Íslendingar eigi að kjósa um aðild að ESB, hún sé hrædd við að leyfa innflutning á erlendu kjöti og hafi líklega varið um hálfri milljón króna í framboð sitt hingað til. Hún svaraði spurningum hjá Nova í dag. Fram hefur komið að Hildur er makalaus rithöfundur sem á tvo unglingsstráka sem hún vill halda utan við umræðu um framboð hennar. Hún er menntuð sem þjóðfræðingur og er auk þess að vera rithöfundur einnig leikskáld. Það kom fram í kynningu á henni eftir að hún gerði framboð sitt ljóst. Hildur var spurð hvort hún hefði kynnst því að hafa ekki nóg á milli handanna. Hún sagði svo sannarlega enda hefði hún um 200 þúsund krónur í mánaðartekjur. Hún færi aldrei í bíó og ekki út að borða. En það geri hún líka af hugsjón.„Ég vil vinna minna og skrifa. Ef ég skrifa þá er ég glöð,“ segir Hildur sem hefur sent frá sér nokkrar bækur. Taumhald á tilfinningunum - leið til betra lífs, Finndu styrkinn til að gera það sem þú vilt, Heal Yourself to Happiness og skáldsagan Á leið stjarnanna og vindsins.Hildur hélt úti bloggsíðu sem nú hefur verið læst. Þar tjáði hún sig um ýmis hugarefni sín og fjallaði meðal annars um krabbamein. Hún vísaði meðal annars til bókar sinnar, Taumhald á tilfinningum - leið til betra lífs, þar sem fram kom að orsakir krabbameins væri ekki hægt að rekja til genamengis heldur tilfinninga og orku.„Ástæðu brjóstakrabbameins er ekki að finna í genamenginu heldur í orkulíkamanum. Orsökin er orkustíflur í hjartastöð, oft úr mörgum lífum. Tilfinningar eru orka sem situr í orkulíkamanum. Jákvæðar tilfinningar eins og ástúð, kærleikur, samþykki og gleði hafa jákvæða orku sem örvar orkustreymið svo heildin, þ.e. efnislíkaminn og orkulíkaminn, starfar vel. Neikvæðar tilfinningar eins og höfnun, ástleysi, skortur á umhyggju, að finnast maður ekki velkominn í heiminn eða verðskulda ást, hafa neikvæða orku sem stíflar orkustreymið í hjartastöðinni,“ sagði í færslu Hildar sem Stundin fjallaði um fyrr á árinu.Þá sagði hún sorglegt að konur létu fjarlægja brjóstin sín af ótta við brjóstakrabbamein. Það kæmi ekki í veg fyrir krabbamein.„Því er sorglegt þegar konur láta fjarlægja brjóstin af ótta við brjóstakrabbamein þótt hið meinta brjóstakrabbameinsgen finnist í þeirra mengi. Þar sem vandamálið er í orkustöðinni mun það bara finna sér annan farveg á þessu svæði ef ekkert er gert. Konur fá þá lungnakrabbamein í staðinn eða hjartaáfall. Genarannsóknir eru á villigötum því það eru engin gen sem valda sjúkdómum. Niðurstöður þeirra valda fólki óþarfa ótta og hvetja til misþyrminga á líkamanum. Eftir einhvern tíma munu vísindamenn komast að því að þeir höfðu rangt fyrir sér, en þá verður það of seint fyrir þær konur sem létu fjarlægja brjóstin með alls kyns eftirkvillum,“ skrifaði Hildur í færslu sinni.Hildur var þessu tengt spurð út í það hvað börn með krabbamein hefðu gert neikvætt til að stífla orkustöðvar sínar.„Ég forðast að fjalla um krabbamein vegna þess að börn hafa ekkert gert til þess að stífla orkustöðvarnar sínar. Börn fæðast saklaus. Þetta er spurningin með tilgang lífsins. Til hvers erum við að fæðast hérna á jörðinni? Fæðumst við bara einu sinni? Erum við bara líkami með heila, sem væri þá vél, eða erum við eitthvað meira en líkami? Ef við erum sál í líkama, lifir þá sálin áfram? Hversu mikið af tilfinningum ber sálin með sér á milli lífa?“Þetta væri mun lengra umræðuefni en hún gæti svarað á þessum vettvangi.„En þetta er byrjunarpunkturinn. Hver erum við? Erum við bara líkami með vél eða erum við sál með líkama?“Hildur var spurð út í skoðun sína á innflutningi á matvælum erlendis frá. Hún sagðist fyrst og fremst vilja leggja áherslu á að Ísland væri sjálfbær matvælaframleiðandi.„Ég er hrædd um að ef við förum að flytja inn extra ódýrt kjöt þá sé framleiðslan ekki eins og við viljum hafa það.“Þá lýsti hún sér í þremur orðum: „Heiðarleg, gagnsæ og á móti spillingu,“ og orðaði það svo aðeins betur: „Hugsjónamanneskja á móti spillingu fyrir betra samfélag.“Hún telur sig hafa varið líklega um hálfri milljón króna í framboð sitt en hún fjármagni framboðið á svipaðan hátt og hún gefi út bók. Hún eigi ákveðinn sjóð sem hún noti. Hún taki fagnandi við stuðningi fólks.Hildur myndi bjóða hinum forsetaframbjóðendunum upp á grænmetisfæði héldi hún matarboð en þá keyrir hún um á Toyota Yaris. Fleiri svör Hildar við spurningum landsmanna má sjá að neðan en þar ræddi hún meðal annars áhugamál sitt að spá í fyrri líf. Forsetakosningar 2016 Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Skoða að banna trans fólki að eiga skotvopn Erlent Fleiri fréttir Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Fimm handteknir í aðgerðum sérsveitar Ættum að fara varlega í orkudrykki með sætuefnum Sjá meira
Hildur Þórðardóttir forsetaframbjóðandi telur að Íslendingar eigi að kjósa um aðild að ESB, hún sé hrædd við að leyfa innflutning á erlendu kjöti og hafi líklega varið um hálfri milljón króna í framboð sitt hingað til. Hún svaraði spurningum hjá Nova í dag. Fram hefur komið að Hildur er makalaus rithöfundur sem á tvo unglingsstráka sem hún vill halda utan við umræðu um framboð hennar. Hún er menntuð sem þjóðfræðingur og er auk þess að vera rithöfundur einnig leikskáld. Það kom fram í kynningu á henni eftir að hún gerði framboð sitt ljóst. Hildur var spurð hvort hún hefði kynnst því að hafa ekki nóg á milli handanna. Hún sagði svo sannarlega enda hefði hún um 200 þúsund krónur í mánaðartekjur. Hún færi aldrei í bíó og ekki út að borða. En það geri hún líka af hugsjón.„Ég vil vinna minna og skrifa. Ef ég skrifa þá er ég glöð,“ segir Hildur sem hefur sent frá sér nokkrar bækur. Taumhald á tilfinningunum - leið til betra lífs, Finndu styrkinn til að gera það sem þú vilt, Heal Yourself to Happiness og skáldsagan Á leið stjarnanna og vindsins.Hildur hélt úti bloggsíðu sem nú hefur verið læst. Þar tjáði hún sig um ýmis hugarefni sín og fjallaði meðal annars um krabbamein. Hún vísaði meðal annars til bókar sinnar, Taumhald á tilfinningum - leið til betra lífs, þar sem fram kom að orsakir krabbameins væri ekki hægt að rekja til genamengis heldur tilfinninga og orku.„Ástæðu brjóstakrabbameins er ekki að finna í genamenginu heldur í orkulíkamanum. Orsökin er orkustíflur í hjartastöð, oft úr mörgum lífum. Tilfinningar eru orka sem situr í orkulíkamanum. Jákvæðar tilfinningar eins og ástúð, kærleikur, samþykki og gleði hafa jákvæða orku sem örvar orkustreymið svo heildin, þ.e. efnislíkaminn og orkulíkaminn, starfar vel. Neikvæðar tilfinningar eins og höfnun, ástleysi, skortur á umhyggju, að finnast maður ekki velkominn í heiminn eða verðskulda ást, hafa neikvæða orku sem stíflar orkustreymið í hjartastöðinni,“ sagði í færslu Hildar sem Stundin fjallaði um fyrr á árinu.Þá sagði hún sorglegt að konur létu fjarlægja brjóstin sín af ótta við brjóstakrabbamein. Það kæmi ekki í veg fyrir krabbamein.„Því er sorglegt þegar konur láta fjarlægja brjóstin af ótta við brjóstakrabbamein þótt hið meinta brjóstakrabbameinsgen finnist í þeirra mengi. Þar sem vandamálið er í orkustöðinni mun það bara finna sér annan farveg á þessu svæði ef ekkert er gert. Konur fá þá lungnakrabbamein í staðinn eða hjartaáfall. Genarannsóknir eru á villigötum því það eru engin gen sem valda sjúkdómum. Niðurstöður þeirra valda fólki óþarfa ótta og hvetja til misþyrminga á líkamanum. Eftir einhvern tíma munu vísindamenn komast að því að þeir höfðu rangt fyrir sér, en þá verður það of seint fyrir þær konur sem létu fjarlægja brjóstin með alls kyns eftirkvillum,“ skrifaði Hildur í færslu sinni.Hildur var þessu tengt spurð út í það hvað börn með krabbamein hefðu gert neikvætt til að stífla orkustöðvar sínar.„Ég forðast að fjalla um krabbamein vegna þess að börn hafa ekkert gert til þess að stífla orkustöðvarnar sínar. Börn fæðast saklaus. Þetta er spurningin með tilgang lífsins. Til hvers erum við að fæðast hérna á jörðinni? Fæðumst við bara einu sinni? Erum við bara líkami með heila, sem væri þá vél, eða erum við eitthvað meira en líkami? Ef við erum sál í líkama, lifir þá sálin áfram? Hversu mikið af tilfinningum ber sálin með sér á milli lífa?“Þetta væri mun lengra umræðuefni en hún gæti svarað á þessum vettvangi.„En þetta er byrjunarpunkturinn. Hver erum við? Erum við bara líkami með vél eða erum við sál með líkama?“Hildur var spurð út í skoðun sína á innflutningi á matvælum erlendis frá. Hún sagðist fyrst og fremst vilja leggja áherslu á að Ísland væri sjálfbær matvælaframleiðandi.„Ég er hrædd um að ef við förum að flytja inn extra ódýrt kjöt þá sé framleiðslan ekki eins og við viljum hafa það.“Þá lýsti hún sér í þremur orðum: „Heiðarleg, gagnsæ og á móti spillingu,“ og orðaði það svo aðeins betur: „Hugsjónamanneskja á móti spillingu fyrir betra samfélag.“Hún telur sig hafa varið líklega um hálfri milljón króna í framboð sitt en hún fjármagni framboðið á svipaðan hátt og hún gefi út bók. Hún eigi ákveðinn sjóð sem hún noti. Hún taki fagnandi við stuðningi fólks.Hildur myndi bjóða hinum forsetaframbjóðendunum upp á grænmetisfæði héldi hún matarboð en þá keyrir hún um á Toyota Yaris. Fleiri svör Hildar við spurningum landsmanna má sjá að neðan en þar ræddi hún meðal annars áhugamál sitt að spá í fyrri líf.
Forsetakosningar 2016 Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Skoða að banna trans fólki að eiga skotvopn Erlent Fleiri fréttir Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Fimm handteknir í aðgerðum sérsveitar Ættum að fara varlega í orkudrykki með sætuefnum Sjá meira