Nógu góður til að spila alla leiki Eiríkur Stefán Ásgeirsson skrifar 1. júní 2016 06:00 Fyrirliðinn Aron Einar Gunnarsson er að jafna sig af meiðslum og gæti tekið þátt í vináttuleiknum gegn Noregi á morgun. vísir/anton Þrátt fyrir ungan aldur býr landsliðsfyrirliðinn Aron Einar Gunnarsson yfir mikilli reynslu. Þessi 27 ára Akureyringur á þegar 57 landsleiki að baki. Þar að auki á hann að baki átta tímabil sem atvinnumaður í Englandi, síðustu fimm öll með velska liðinu Cardiff City. Sjö af þessum tímabilum spilaði Aron Einar í ensku B-deildinni. Hvert ár spilaði hann minnst 40 leiki á tímabili, langflesta sem byrjunarliðsmaður. En það breyttist svo skyndilega á nýliðnu tímabili. Þá tók hann þátt í 28 leikjum, þar af tólf sem varamaður. „Auðvitað var ég ekki ánægður með þann fjölda leikja og mínútna sem ég fékk í vetur. Ég hef aldrei farið leynt með það,“ segir Aron Einar sem vonast til að fá tækifæri til að spila með Íslandi í vináttulandsleiknum gegn Noregi ytra í dag, þrátt fyrir ökklameiðsli sem hafa verið að plaga hann síðustu vikurnar.25 mínútur á þremur mánuðum „En það var aldrei hægt að segja neitt við þessu. Ég meiddist á undirbúningstímabilinu og þá valdi þjálfarinn liðið sitt,“ segir Aron Einar og átti þar við Russell Slade sem tók við Cardiff City eftir að Norðmaðurinn Ole Gunnar Solskjær var látinn taka poka sinn haustið 2014. Aron Einar spilaði aðeins í 25 mínútur í fyrstu ellefu leikjum Cardiff í ensku B-deildinni í haust. Hann fékk svo tækifærið í 1-0 sigurleik gegn Middlesbrough sem hann nýtti vel. „Ég spilaði næstu fjórtán leiki en veiktist svo fyrir leik gegn Wolves [þann 16. janúar]. Þá kom maður inn af bekknum sem spilaði vel það sem eftir lifði tímabils. Þannig er fótboltinn bara,“ segir Aron Einar. „Það eru margir sem eru tilbúnir að stökkva inn og nýta tækifærið þegar það gefst. Það er partur af íþróttinni. En auðvitað finnst mér að ég sé það góður að spila alla leiki í B-deildinni. Það er svekkjandi að það gerðist ekki í vetur.“ Hann óttaðist þó aldrei að það kæmi í raun og veru til þess að hann myndi missa af EM í Frakklandi. „Ég vissi að það væri alltaf hægt að gera eitthvað í þessu, hvort sem það væru sprautur, verkjalyf eða hvað sem er. Ég myndi aldrei missa af þessu. Þú þekkir mig aðeins betur en svo,“ sagði hann við blaðamann í léttum dúr.Aron í baráttunni gegn Tyrkjum.vísir/gettyHefur ekki rætt við nýjan stjóra Hann getur ekki sagt að hann hafi fengið ósanngjarna meðhöndlun hjá Slade í vetur. „Nei. Ég æfði eins og maður en þegar svona lagað kemur upp þýðir ekkert að svekkja sig eða hengja haus. Ég vil alltaf spila eins mikið og ég get og það heppnaðist ekki þetta tímabilið.“ Paul Trollope, 43 ára Wales-verji, hefur nú tekið við stjórastarfinu í Cardiff City en hann var áður aðstoðarmaður Slades. Trollope er auk þess í þjálfarateymi Chris Coleman í velska landsliðinu, sem er á leið á EM rétt eins og það íslenska. Aron Einar hefur ekkert rætt við Trollope um framhaldið en mun gera það eftir EM í Frakklandi. „Hann er á fullu að undirbúa Wales fyrir EM og því munum við ekki setjast niður fyrr en eftir mótið.“ Hann neitar því ekki að mögulegt sé að hann hafi spilað sinn síðasta leik fyrir Cardiff City. „Þó svo að ég telji það ólíklegt þá veit ég það einfaldlega ekki. Það verður bara að koma í ljós eftir EM.“Batinn framar vonum Aron Einar hefur glímt við meiðsli í ökkla síðustu vikurnar og bjóst við því að þurfa að spila með verki á EM í Frakklandi. En nú horfir til betri vegar. „Ég þarf vonandi ekki að pína mig. Það kemur svo bara í ljós hvort það kemur bakslag en vonandi ekki,“ segir Aron Einar sem var með lausa beinflís í ökklanum sem olli honum sársauka. EM 2016 í Frakklandi Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Semenya hættir baráttu sinni Sport „FIFA getur ekki leyst pólitísk vandamál heimsins“ Fótbolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Komin fimm mánuði á leið en stendur á höndum eins og ekkert sé Sport „Það var smá stress og drama“ Handbolti Fleiri fréttir „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Sjá meira
Þrátt fyrir ungan aldur býr landsliðsfyrirliðinn Aron Einar Gunnarsson yfir mikilli reynslu. Þessi 27 ára Akureyringur á þegar 57 landsleiki að baki. Þar að auki á hann að baki átta tímabil sem atvinnumaður í Englandi, síðustu fimm öll með velska liðinu Cardiff City. Sjö af þessum tímabilum spilaði Aron Einar í ensku B-deildinni. Hvert ár spilaði hann minnst 40 leiki á tímabili, langflesta sem byrjunarliðsmaður. En það breyttist svo skyndilega á nýliðnu tímabili. Þá tók hann þátt í 28 leikjum, þar af tólf sem varamaður. „Auðvitað var ég ekki ánægður með þann fjölda leikja og mínútna sem ég fékk í vetur. Ég hef aldrei farið leynt með það,“ segir Aron Einar sem vonast til að fá tækifæri til að spila með Íslandi í vináttulandsleiknum gegn Noregi ytra í dag, þrátt fyrir ökklameiðsli sem hafa verið að plaga hann síðustu vikurnar.25 mínútur á þremur mánuðum „En það var aldrei hægt að segja neitt við þessu. Ég meiddist á undirbúningstímabilinu og þá valdi þjálfarinn liðið sitt,“ segir Aron Einar og átti þar við Russell Slade sem tók við Cardiff City eftir að Norðmaðurinn Ole Gunnar Solskjær var látinn taka poka sinn haustið 2014. Aron Einar spilaði aðeins í 25 mínútur í fyrstu ellefu leikjum Cardiff í ensku B-deildinni í haust. Hann fékk svo tækifærið í 1-0 sigurleik gegn Middlesbrough sem hann nýtti vel. „Ég spilaði næstu fjórtán leiki en veiktist svo fyrir leik gegn Wolves [þann 16. janúar]. Þá kom maður inn af bekknum sem spilaði vel það sem eftir lifði tímabils. Þannig er fótboltinn bara,“ segir Aron Einar. „Það eru margir sem eru tilbúnir að stökkva inn og nýta tækifærið þegar það gefst. Það er partur af íþróttinni. En auðvitað finnst mér að ég sé það góður að spila alla leiki í B-deildinni. Það er svekkjandi að það gerðist ekki í vetur.“ Hann óttaðist þó aldrei að það kæmi í raun og veru til þess að hann myndi missa af EM í Frakklandi. „Ég vissi að það væri alltaf hægt að gera eitthvað í þessu, hvort sem það væru sprautur, verkjalyf eða hvað sem er. Ég myndi aldrei missa af þessu. Þú þekkir mig aðeins betur en svo,“ sagði hann við blaðamann í léttum dúr.Aron í baráttunni gegn Tyrkjum.vísir/gettyHefur ekki rætt við nýjan stjóra Hann getur ekki sagt að hann hafi fengið ósanngjarna meðhöndlun hjá Slade í vetur. „Nei. Ég æfði eins og maður en þegar svona lagað kemur upp þýðir ekkert að svekkja sig eða hengja haus. Ég vil alltaf spila eins mikið og ég get og það heppnaðist ekki þetta tímabilið.“ Paul Trollope, 43 ára Wales-verji, hefur nú tekið við stjórastarfinu í Cardiff City en hann var áður aðstoðarmaður Slades. Trollope er auk þess í þjálfarateymi Chris Coleman í velska landsliðinu, sem er á leið á EM rétt eins og það íslenska. Aron Einar hefur ekkert rætt við Trollope um framhaldið en mun gera það eftir EM í Frakklandi. „Hann er á fullu að undirbúa Wales fyrir EM og því munum við ekki setjast niður fyrr en eftir mótið.“ Hann neitar því ekki að mögulegt sé að hann hafi spilað sinn síðasta leik fyrir Cardiff City. „Þó svo að ég telji það ólíklegt þá veit ég það einfaldlega ekki. Það verður bara að koma í ljós eftir EM.“Batinn framar vonum Aron Einar hefur glímt við meiðsli í ökkla síðustu vikurnar og bjóst við því að þurfa að spila með verki á EM í Frakklandi. En nú horfir til betri vegar. „Ég þarf vonandi ekki að pína mig. Það kemur svo bara í ljós hvort það kemur bakslag en vonandi ekki,“ segir Aron Einar sem var með lausa beinflís í ökklanum sem olli honum sársauka.
EM 2016 í Frakklandi Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Semenya hættir baráttu sinni Sport „FIFA getur ekki leyst pólitísk vandamál heimsins“ Fótbolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Komin fimm mánuði á leið en stendur á höndum eins og ekkert sé Sport „Það var smá stress og drama“ Handbolti Fleiri fréttir „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Sjá meira