Hamingjan breyttist í ógleði á einu augabragði í Marseille Eiríkur Stefán Ásgeirsson skrifar 20. júní 2016 06:00 Gylfi Þór Sigurðsson gat ekki leynt vonbrigðum sínum eftir að lokaflautið gall í leik Íslands og Ungverjalands. vísir/vilhelm Ísland var örfáum mínútum frá því að tryggja sér nánast öruggt sæti í 16-liða úrslitum EM í Frakklandi en strákarnir okkar misstu niður 1-0 forystu gegn Ungverjalandi á lokamínútum leiksins á Stade Vélodrome á laugardaginn. Birkir Már Sævarsson varð fyrir því óláni að skora sjálfsmark á 88. mínútu sem var sem blaut tuska í andlit liðsins, sem og þjóðarinnar allrar. Gylfi Þór Sigurðsson hafði komið Íslandi yfir úr vítaspyrnu í fyrri hálfleik sem Aron Einar Gunnarsson fékk. Þrátt fyrir að Ungverjar hafi verið miklu meira með boltann gekk þeim illa að skapa hættuleg færi og áttu Íslendingar bestu færi leiksins. Jóhann Berg Guðmundsson komst nálægt því að skora snemma leiks og Kolbeinn Sigþórsson fékk einnig gott færi. Eftir jöfnunarmarkið fékk svo varamaðurinn Alfreð Finnbogason aukaspyrnu á vítateigslínunni. Gylfi Þór tók spyrnuna en boltinn fór af varnarveggnum og beint fyrir fætur annars varamanns, Eiðs Smára Guðjohnsen, sem skaut í varnarmann og framhjá. Um leið var leikurinn flautaður af við gríðarlegan fögnuð Ungverja. Niðurstaðan 1-1 jafntefli og er Ísland í öðru sæti F-riðils með tvö stig. „Ég hugsaði ekki um hvort ég hefði getað gert eitthvað annað. Ég hugsaði bara um að hitta hann vel og örugglega en ég smellhitti boltann,“ sagði Eiður Smári þegar liðið var komið aftur til Annecy í gær. Eiður spilaði ekkert í fyrsta leiknum gegn Portúgal og var gríðarlega vel fagnað þegar hann kom inn á.Jón Daði Böðvarsson reynir hjólhestaspyrnu.vísir/vilhelmÞetta var bara ömurlegt Birkir Már Sævarsson bar sig vel eftir leikinn þó svo að honum hafi eðlilega liðið mjög illa eftir leik. „Þetta var bara ömurlegt. Ég ætlaði að reyna að fá boltann til hliðar en hitti hann ekki nógu vel. Þetta var erfiður bolti en með smá heppni hefði hann farið út.“ Hann segir að það hafi enginn af samherjum hans í íslenska liðinu sagt neitt sérstakt við hann eftir leikinn. „Það þurfti enginn að segja neitt. Ég tek þetta bara á mig,“ sagði Birkir Már hreinskilningslega.Þurfum að vera kaldari Þjálfararnir Lars Lagerbäck og Heimir Hallgrímsson voru búnir að skoða leikinn aftur þegar Fréttablaðið ræddi við þá í Annecy í gær. „Ég er bæði svekktur með úrslitin og að hluta með frammistöðuna. Varnarleikurinn og vinnslan var í háklassa. Ég horfði aftur á leikinn á leiðinni til baka [frá Marseille] og get ekki kvartað yfir neinu hvað það varðar. Sóknarleikurinn þarf að vera betri,“ sagði Lagerbäck sem sagði að liðið hefði tekið slæmar ákvarðanir undir lok leiksins. „Við fórum að gera mjög skrýtna hluti í föstum leikatriðum eins og að senda boltann þegar enginn var tilbúinn. Við verðum að vera aðeins kaldari í stöðu sem þessari og drepa leikinn,“ sagði Svíinn. Heimir sagði ljóst að Ísland ætti heilmikið inni og það vissu strákarnir best sjálfir. Hann eins og aðrir sagði að Ísland hafi ekki spilað vel með boltann. „Við vorum 30 prósent með boltann í leiknum en skorum samt mark og eigum 3-4 mjög góð marktækifæri þar að auki. Það er það skemmtilega við stöðuna og þennan leik. Við vorum næstum búinn að vinna hann þrátt fyrir að vera svona lítið með boltann,“ sagði Heimir og ítrekaði að Ungverjar væru með sterkt lið og hafi verið betri heilt yfir.Það var frábær stemmning á Stade Vélodrome í fyrradag.vísir/vilhelmVill örugglega fleiri snertingar „En ef okkur tekst að vera meira með boltann og þurfum þar af leiðandi að verjast minna, þá eigum við meiri kraft í sóknina.“ Gylfi Þór hefur spilað frábærlega í fyrstu tveimur leikjunum en nánast öll hans orka hefur farið í varnarleik. Heimir segir að það lagist af sjálfu sér þegar Ísland nái að halda boltanum betur innan liðsins. „Hann vill örugglega fá fleiri snertingar á boltann en þegar við náum að fara framar þá kemur hann betur í ljós. Við þurfum að vera rólegri með boltann og þá munu menn fá að njóta sín betur.“ Ísland mætir Austurríki á miðvikudag og þarf mjög líklega að minnsta kosti jafntefli til að komast áfram í 16-liða úrslit EM. EM 2016 í Frakklandi Mest lesið „Það er æðislegt að kveðja húsið svona“ Körfubolti Uppgjörið: Stjarnan - ÍR 91-93 | ÍR skellti meisturunum Körfubolti Uppgjörið: ÍA - Álftanes 76-74 | ÍA kvaddi Vesturgötuna með stæl Körfubolti „Við erum ekki á góðum stað“ Sport Brassi tekur við af Billups Körfubolti Leeds afgreiddi West Ham Enski boltinn Skórnir gætu farið í hilluna hjá Hill Sport Uppgjörið: N-Írland - Ísland 0-2 | Varnarjaxlarnir tryggðu sigur Fótbolti Stjórnarmaður KKÍ auglýsir ólöglega veðmálastarfsemi Körfubolti Belgarnir hennar Betu fengu skell Fótbolti Fleiri fréttir Leeds afgreiddi West Ham Uppgjörið: N-Írland - Ísland 0-2 | Varnarjaxlarnir tryggðu sigur Belgarnir hennar Betu fengu skell Byrjunarlið Íslands: Ein breyting frá lokaleiknum á EM en ekkert óvænt Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum Sænska ungstirnið klárt í El Clásico vegna meiðsla Raphinha Sheffield Wednesday stefnir í gjaldþrot Sjáðu af hverju vörn Arsenal er í algjörum sérflokki „Þetta hafa verið erfiðir tímar fyrir okkur alla“ Benítez orðinn stjóri Sverris og sprengir launaskalann Ætla stelpurnar okkar með flugi eða á fleka á HM í Brasilíu? Vildu fagna endalaust með Frey: „Þetta lið hættir aldrei að heilla“ Stjarna Manchester City hætti næstum því í fótbolta Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjá meira
Ísland var örfáum mínútum frá því að tryggja sér nánast öruggt sæti í 16-liða úrslitum EM í Frakklandi en strákarnir okkar misstu niður 1-0 forystu gegn Ungverjalandi á lokamínútum leiksins á Stade Vélodrome á laugardaginn. Birkir Már Sævarsson varð fyrir því óláni að skora sjálfsmark á 88. mínútu sem var sem blaut tuska í andlit liðsins, sem og þjóðarinnar allrar. Gylfi Þór Sigurðsson hafði komið Íslandi yfir úr vítaspyrnu í fyrri hálfleik sem Aron Einar Gunnarsson fékk. Þrátt fyrir að Ungverjar hafi verið miklu meira með boltann gekk þeim illa að skapa hættuleg færi og áttu Íslendingar bestu færi leiksins. Jóhann Berg Guðmundsson komst nálægt því að skora snemma leiks og Kolbeinn Sigþórsson fékk einnig gott færi. Eftir jöfnunarmarkið fékk svo varamaðurinn Alfreð Finnbogason aukaspyrnu á vítateigslínunni. Gylfi Þór tók spyrnuna en boltinn fór af varnarveggnum og beint fyrir fætur annars varamanns, Eiðs Smára Guðjohnsen, sem skaut í varnarmann og framhjá. Um leið var leikurinn flautaður af við gríðarlegan fögnuð Ungverja. Niðurstaðan 1-1 jafntefli og er Ísland í öðru sæti F-riðils með tvö stig. „Ég hugsaði ekki um hvort ég hefði getað gert eitthvað annað. Ég hugsaði bara um að hitta hann vel og örugglega en ég smellhitti boltann,“ sagði Eiður Smári þegar liðið var komið aftur til Annecy í gær. Eiður spilaði ekkert í fyrsta leiknum gegn Portúgal og var gríðarlega vel fagnað þegar hann kom inn á.Jón Daði Böðvarsson reynir hjólhestaspyrnu.vísir/vilhelmÞetta var bara ömurlegt Birkir Már Sævarsson bar sig vel eftir leikinn þó svo að honum hafi eðlilega liðið mjög illa eftir leik. „Þetta var bara ömurlegt. Ég ætlaði að reyna að fá boltann til hliðar en hitti hann ekki nógu vel. Þetta var erfiður bolti en með smá heppni hefði hann farið út.“ Hann segir að það hafi enginn af samherjum hans í íslenska liðinu sagt neitt sérstakt við hann eftir leikinn. „Það þurfti enginn að segja neitt. Ég tek þetta bara á mig,“ sagði Birkir Már hreinskilningslega.Þurfum að vera kaldari Þjálfararnir Lars Lagerbäck og Heimir Hallgrímsson voru búnir að skoða leikinn aftur þegar Fréttablaðið ræddi við þá í Annecy í gær. „Ég er bæði svekktur með úrslitin og að hluta með frammistöðuna. Varnarleikurinn og vinnslan var í háklassa. Ég horfði aftur á leikinn á leiðinni til baka [frá Marseille] og get ekki kvartað yfir neinu hvað það varðar. Sóknarleikurinn þarf að vera betri,“ sagði Lagerbäck sem sagði að liðið hefði tekið slæmar ákvarðanir undir lok leiksins. „Við fórum að gera mjög skrýtna hluti í föstum leikatriðum eins og að senda boltann þegar enginn var tilbúinn. Við verðum að vera aðeins kaldari í stöðu sem þessari og drepa leikinn,“ sagði Svíinn. Heimir sagði ljóst að Ísland ætti heilmikið inni og það vissu strákarnir best sjálfir. Hann eins og aðrir sagði að Ísland hafi ekki spilað vel með boltann. „Við vorum 30 prósent með boltann í leiknum en skorum samt mark og eigum 3-4 mjög góð marktækifæri þar að auki. Það er það skemmtilega við stöðuna og þennan leik. Við vorum næstum búinn að vinna hann þrátt fyrir að vera svona lítið með boltann,“ sagði Heimir og ítrekaði að Ungverjar væru með sterkt lið og hafi verið betri heilt yfir.Það var frábær stemmning á Stade Vélodrome í fyrradag.vísir/vilhelmVill örugglega fleiri snertingar „En ef okkur tekst að vera meira með boltann og þurfum þar af leiðandi að verjast minna, þá eigum við meiri kraft í sóknina.“ Gylfi Þór hefur spilað frábærlega í fyrstu tveimur leikjunum en nánast öll hans orka hefur farið í varnarleik. Heimir segir að það lagist af sjálfu sér þegar Ísland nái að halda boltanum betur innan liðsins. „Hann vill örugglega fá fleiri snertingar á boltann en þegar við náum að fara framar þá kemur hann betur í ljós. Við þurfum að vera rólegri með boltann og þá munu menn fá að njóta sín betur.“ Ísland mætir Austurríki á miðvikudag og þarf mjög líklega að minnsta kosti jafntefli til að komast áfram í 16-liða úrslit EM.
EM 2016 í Frakklandi Mest lesið „Það er æðislegt að kveðja húsið svona“ Körfubolti Uppgjörið: Stjarnan - ÍR 91-93 | ÍR skellti meisturunum Körfubolti Uppgjörið: ÍA - Álftanes 76-74 | ÍA kvaddi Vesturgötuna með stæl Körfubolti „Við erum ekki á góðum stað“ Sport Brassi tekur við af Billups Körfubolti Leeds afgreiddi West Ham Enski boltinn Skórnir gætu farið í hilluna hjá Hill Sport Uppgjörið: N-Írland - Ísland 0-2 | Varnarjaxlarnir tryggðu sigur Fótbolti Stjórnarmaður KKÍ auglýsir ólöglega veðmálastarfsemi Körfubolti Belgarnir hennar Betu fengu skell Fótbolti Fleiri fréttir Leeds afgreiddi West Ham Uppgjörið: N-Írland - Ísland 0-2 | Varnarjaxlarnir tryggðu sigur Belgarnir hennar Betu fengu skell Byrjunarlið Íslands: Ein breyting frá lokaleiknum á EM en ekkert óvænt Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum Sænska ungstirnið klárt í El Clásico vegna meiðsla Raphinha Sheffield Wednesday stefnir í gjaldþrot Sjáðu af hverju vörn Arsenal er í algjörum sérflokki „Þetta hafa verið erfiðir tímar fyrir okkur alla“ Benítez orðinn stjóri Sverris og sprengir launaskalann Ætla stelpurnar okkar með flugi eða á fleka á HM í Brasilíu? Vildu fagna endalaust með Frey: „Þetta lið hættir aldrei að heilla“ Stjarna Manchester City hætti næstum því í fótbolta Sambandsdeildin | Logi í sigurliði og Crystal Palace lá á heimavelli Evrópudeildin | Elías hélt hreinu í Evrópudeildinni Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Ótrúlegur Kane sá við Messi og Ronaldo Eiður dásamaði Caicedo í beinni á Brúnni „Ákveðið sjokk“ „Heiður að fá að vera í sama flokki og hann“ Var nálægt því að hætta og fara í körfubolta Langþráður sigur með nýtt kerfi en Slot áhyggjufullur Guðrún líklegust til að koma til bjargar í eyðimörk „Kominn tími á sigur í Sambandsdeildinni“ Sjá meira