Sendu strákunum okkar lambalæri, grænar, rauðkál og skyr

Utanríkisráðuneytið sendi strákunum okkar í karlalandsliðinu í fótbolta lambalæri, grænar baunir í dós, rauðkál og skyr í þakklætisskyni fyrir frammistöðuna þeirra á EM í Frakklandi.

 

Á Facebook-síðu utanríkisráðuneytisins kemur fram að Friðrik Sigurðsson hafi gengið frá góðgætinu en það var sent til Frakklands með DHL í gær.

Í færslunni segir að vonandi verði veislan komin á borðið hjá strákunum okkar í kvöld svo það verður forvitnilegt að vita hvort það hafi náðst og þá hvernig lærið bragðaðist, en strákarnir fengu einmitt lambalæri fyrir Englandsleikinn hjá Einsa kalda, kokki frá Vestmannaeyjum.