Það er kominn tími til fyrir hvítu gallabuxurnar

Eins og staðan er núna þá er sól í kortunum næstu daga. Hvað gera Íslendingar þá? Skella sér í sund, fá sér ís og labba upp á esjuna. Það má þó ekki gleyma að draga fram hvítu gallabuxurnar úr botninum á fataskápnum. 

Þegar sólin skín sem mest fara allir sjálfkrafa í gott skap og klæða sig samkvæmt því. Þá getur verið gott að grípa í hvítu gallabuxurnar og klæða sig í sumarlegan topp eða skyrtu við. Þá er maður tilbúinn til þess að fara út í daginn. 

Nýtum sumarið til þess að klæða okkur í eitthvað annað en peysur og svartar buxur. Hér fyrir neðan er innblástur fyrir hvernig má stílisera buxurnar á nokkra skemmtilega vegu.