Antonio Conte hefur náð góðum árangri með ítalska liðið sem er einna líklegast til að fara langt á EM í Frakklandi.
Ítalía mætir Þýskalandi í 8-liða úrslitum keppninnar annað kvöld en sigurvegari þess leiks mætir sigurvegar viðureignar Íslands og Frakklands á Stade de France á sunnudagskvöld.
„Ítalía er með áhugavert lið. Þrátt fyrir öll einstaklingsgæði sem búa í liðinu hefur sú menning skapast að það hefur tekist að búa til landslið þar sem liðsheildin er sterk,“ sagði Lagerbäck á blaðamannafundi íslenska liðsins í dag.
Sjá einnig: Svona var blaðamannafundur strákanna í Annecy
„Ítalir eru mjög góðir í að ná fram jákvæðum úrslitum í sínum leikjum. Conte hefur náð að nýta allt það góða úr þessari ítölsku menningu.“
„Ég ber mikla virðingu fyrir því sem hann hefur gert með ítalska liðið. Það eru stór nöfn í liðinu sem spila með stórum liðum en allir setja liðið í forgrunn. Conte á mikla virðingu skilda vegna þess.“
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Lagerbäck hrósaði Conte: Nýtir allt það góða

Tengdar fréttir

Veit ekki af hverju ég fékk þennan stimpil
Jón Daði Böðvarsson sat fyrir svörum á blaðamannafundi í Annecy í morgun.

Svona var blaðamannafundur strákanna í Annecy
Lars Lagerbäck, Jón Daði Böðvarsson og Birkir Már Sævarsson sátu fyrir svörum á blaðamannafundi íslenska liðsins.

Birkir Már man vel eftir því þegar hann sigraði hlaupabrettið í Bolungarvík
Bakvörðurinn eldfljóti tók vel á því í jólafríi vestur á fjörðum.

„Ef einhver meiðir annan leikmann á hann erfiðan dag í vændum“
Aron Einar Gunnarsson æfði ekki í gær en Lars Lagerbäck hefur þó engar áhyggjur.

Birkir Már vill frekar að Payet skjóti með vinstri en þá getur þetta gerst | Myndband
Dimitri Payet er búinn að vera einn besti leikmaður franska liðsins á EM en Ísland mætir gestgjöfunum á sunnudaginn.

Ragnar talar bestu sænskuna í landsliðinu
Segir reyndar að Ragnar noti mállýskuna sem hann lærði í Gautaborg sem sé ekki hægt að kalla sænsku.

Lars: Eiður Smári er mikilvægur þó hann spili ekki mikið
Jón Daði Böðvarsson ólst upp við að horfa á markahæsta leikmann landsliðsins frá upphafi og lítur upp til hans.