Aron Einar var efsti maður á einum óvinsælum lista nær allt mótið en á endanum var íslenski landsliðsfyrirliðinni þó ekki sá leikmaður keppninnar sem braut oftast af sér á EM í Frakklandi.
Íslenski víkingurinn rétt slapp við það að vera mesti síbrotamaður EM 2016. Það kom í ljós eftir úrslitaleik Portúgals og Frakklands á Stade de France í gær.
Portúgalinn Joao Mário tók nefnilega efsta sætið af Aroni Einari en hann braut alls fimmtán sinnum af sér í Frakklandi eða einu sinni oftar en Aron Einar sem fékk dæmdar á sig fjórtán aukaspyrnur í fimm leikjum íslenska liðsins.
Aron Einar fékk bara eitt gult spjald þrátt fyrir öll þessi brot og eina spjaldið hans kom í lok leiksins á móti Englandi í átta liða úrslitunum.
Það verður nú að teljast gott hjá okkar manni að „komast upp með" svona mörg brot á EM án þess að enda í leikbanni. Aron Einar braut skynsamlega og á réttum tímum. Hann vann líka margar tæklingar og mörg návígi án þess að brjóta af sér.
Aron Einar var algjör brimbrjótur á miðju íslenska liðsins og gríðarlega mikilvægur. Hann varð ennfremur heimsfrægur þegar hann fór fyrir víkingaklappinu í lok leikjanna.
Þessir brutu oftast af sér á EM 2016:
1.Joao Mário, Portúgal 15
2. Aron Gunnarsson, Íslandi 14
3. Graziano Pellè, Ítalíu 13
4. Álvaro Morata, Spáni 12
5. Juraj Kucka, Slóvakíu 11
5. Shane Long, Írlandi 11
5. Birkir Bjarnason, Íslandi 11
5. Joe Allen, Wales 11
5. Paul Pogba, Frakklandi 11
5. Renato Sanches, Portúgal 11
5. Patrice Evra, Frakklandi 10
