Margot Robbie stelur sviðsljósinu með flottum klæðaburði

Ástralska leikkonan Margot Robbie hefur verið að kynna nýjustu mynd sína, Suicide Squad, seinustu daga en því fylgir tíð fataskipti enda mikið af fjölmiðlaviðburðum sem þarf að mæta á. Það hefur þó ekki vafist fyrir henni eða stílistanum hennar, Kate Young.

Hún nær að toppa sig í hverju dressinu af fætur öðru en hún hefur bæði verið í afslöppuðum og víðum pilsum í bland við stutta og fína kjóla. Hún er iðulega í svörtum og hvítum fötum en þó klæddist hún litríkum Gucci kjól á einum viðburðinum. 

Margot þykir ein best klædda og glæsilegasta konan í Hollywood. Það er því gaman að fylgjast með hverju hún klæðist það sem eftir er af kynningartúr fyrir nýju kvikmyndinni hennar.