Joss Stone heldur tónleika í Hörpu í október

Sálarsöngkonan Joss Stone er á leiðinni til Íslands og heldur tónleika í Eldborg, þann 30. október. Þetta kemur fram í tilkynningu frá Senu.  

Söngkonan er 27 ára og hefur verið á bólakafi í tónlist allt sitt líf. Hún vann hæfileikakeppnina A Star for a Night á BBC aðeins 13 ára gömul, samdi við eitt stærsta útgáfufyrirtæki heims 15 ára og gaf út sína fyrstu plötu 16 ára. Hún hefur selt yfir 12 milljón plötur á heimsvísu og velgengi hennar hefur rutt brautina fyrir nýja kynslóð af breskum sálarsöngkonum.

Á tónleikunum í Hörpu mun Stone flytja lög af nýju plötunni í bland við helstu smelli.

Miðasala hefst fimmtudaginn 25. ágúst kl. 10 á Harpa.is, Tix.is og í miðasölu Hörpu. Póstlistaforsala Senu Live fer fram daginn áður; fá þá allir sem eru skráðir á póstlistann sendan tengil sem gerir þeim kleift að kaupa miða samstundis, heilum degi áður en almenn sala hefst.

Tilkynnt verður sérstaklega um miðaverð og svæði innan skamms.