Lewandowski með þrennu í fyrsta leik

Aron Jóhannsson og liðsfélagar hans hjá Werder Bremen voru niðurlægður í fyrsta leik tímabilsins í Þýskalandi.

Þá heimsóttu þeir meistara FC Bayern og steinlágu, 6-0. Staðan var orðin 2-0 eftir tólf mínútur og eftirleikurinn síðan auðveldur.

Pólverjinn ótrúlegi Robert Lewandowski hóf tímabilið á því að skora þrennu. Xabi Alonso, Philipp Lahm og Franck Ribery komust einnig á blað.

Aron var í byrjunarliði Werder Bremen en hafði úr litlu að moða í framlínu Bremen. Hann fór svo af velli á 64. mínútu.