Tólf í framboði í flokksvali Samfylkingarinnar

Framboðsfrestur til þátttöku í flokksvali Samfylkingarinnar í Reykjavík rann út klukkan 19 í kvöld. Alls eru tólf í framboði. Kosið verður í átta sæti og gildir flokksvalið fyrir bæði Reykjavíkurkjördæmin.

Þrír þingmenn keppast um fyrsta sætið en þau eru þau Helgi Hjörvar, Sigríður Ingibjörg Ingadóttir og  Össur Skarphéðinsson og þá sækist Valgerður Bjarnadóttir eftir fyrsta til öðru sæti.

Eftirtaldir gefa kost á sér:

Auður Alfa Ólafsdóttir í 3.-4. sæti

Eva Baldursdóttir í 2.-3. sæti

Gunnar Alexander Ólafsson í 3.-4. sæti

Helgi Hjörvar í 1. sæti

Jóhanna Vigdís Guðmundsdóttir í 3. sæti

Magnús Már Guðmundsson í 3.-4. sæti

Sigríður Ingibjörg Ingadóttir í 1. sæti

Sigurður Hólm Gunnarsson í 2.-3. sæti

Steinunn Ýr Einarsdóttir í 3.-4. sæti

Valgerður Bjarnadóttir í 1.-2. sæti

Þórarinn Snorri Sigurgeirsson í 4.-6. sæti

Össur Skarphéðinsson í 1. Sæti

Raðað verður á lista í báðum kjördæmum með aðferðum paralista. Þá verður tryggt að í einu af þremur efstu sætum í báðum kjördæmum verði einn einstaklingur 35 ára eða yngri, að því er segir í tilkynningu frá Samfylkingunni.