Kosningaspjall Vísis hefst í dag en þátturinn er hluti af ítarlegri umfjöllun fréttastofu 365 fyrir komandi þingkosningar sem fram fara þann 29. október næstkomandi. Í þættinum gefst lesendum og áhorfendum Vísis tækifæri á að spyrja frambjóðendur allra flokka sem bjóða fram í kosningunum út í þeirra stefnumál og helstu málefni.
Einn frambjóðandi kemur í þáttinn hverju sinni sem verður í beinni útsendingu á Vísi og Facebook-síðu Vísis. Á meðan á útsendingu stendur geta lesendur og áhorfendur sent inn spurningar með því að setja inn athugasemdir við beinu útsendinguna á Facebook. Fyrir útsendingu verður einnig boðið upp á að senda spurningar í gegnum tölvupóst.
Þátturinn hefst í dag klukkan 13:30 en þá kemur Vésteinn Valgarðsson oddviti Alþýðufylkingarinnar í Reykjavíkurkjördæmi norður og situr fyrir svörum. Á morgun mætir síðan fulltrúi frá Íslensku þjóðfylkingunni og svo koll af kolli en dregið var um í hvaða röð þeir tólf flokkar sem bjóða fram til Alþingis koma í þáttinn.
Við hvetjum lesendur til að senda Vésteini spurningar fyrir útsendingu á netfangið sunnakristin@365.is og að sjálfsögðu síðan í gegnum Facebook-síðu Vísis þegar útsending hefst.
Valur
Fram
