Vilja "aftengja tímasprengju“

Píratar taka undir kröfu launþega og atvinnurekenda um að Alþingi „aftengi tímasprengju“ sem kjararáð hafi kastað með hækkun launa þingmanna og ráðherra.

„Þetta er sprengja og á meðan hún er þarna inni þá tifar hún. Það eru að verða lausir samningar hjá ýmsum stéttum, kennurum og sjómönnum og svo eru allir samningar lausir í vor,“ segir Jón Þór Ólafsson, þingmaður Pírata.

Rammalöggjöf sem unnið sé að með SALEK sé líka í uppnámi. „Um að færa okkur í norræna módelið, vera með langtíma stöðugar og hagkvæmar hækkanir á launum.“

Fréttin birtist fyrst í Fréttablaðinu