Lið Njarðvíkur í Domino's-deild karla í körfubolta er búið að bæta við sig öðrum stórum Bandaríkjamanni. Myron Dempsey, sem áður spilaði með Tindastóli, er búinn að semja við Ljónin. Þetta kemur fram á karfan.is.
Njarðvíkingar eru búnir að leita logandi ljósi að stórum manni til að hjálpa sér í vandræðunum undir körfunni. Það bætti við sig Jeremy Atkinson og lét skotbakvörðinn magnaða Stefan Bonneau fara.
Atkinson verður áfram, að því fram kemur í frétt karfan.is. Hann og Dempsey munu því skipta með sér mínútunum undir körfunni hjá Njarðvíkurliðinu sem er í vondum málum með átta stig í tíunda sæti deildarinnar eftir ellefu umferðir.
Dempsey þekkir vel til í Domino's-deildinni. Hann spilaði allt tímabilið með Tindastóli er liðið komst í lokaúrslitin gegn KR tímabilið 2014-2015 en þá skoraði hann 21 stig að meðaltali í leik og tók tíu fráköst.
Hann kom aftur til landsins í byrjun árs til að hjálpa Stólunum á seinni hluta leiktíðinar og skoraði þá 17 stig og tók 6,5 fráköst að meðaltali í þeim fimmtán leikjum sem hann spilaði. Stólarnir féllu úr leik í undanúrslitum gegn Haukum.
Njarðvík bætir við öðrum stórum Kana
Tengdar fréttir
Körfuboltakvöld: Tinki Winki er ekki í liðinu og hvar er Pó?
Lífleg umræða um stöðu Njarðvíkur í Körfuboltakvöldi.
Formannaskipti í Njarðvík: Engin ástæða til að örvænta
Gunnar Örlygsson stígur til hliðar sem formaður körfuknattleiksdeildar Njarðvíkur. Hann segir enga upplausn ríkja innan deildarinnar.
Verst að fá ekki tækifæri til að kveðja
Stefan Bonneau hvarf óvænt á braut frá Njarðvík og úr Domino's-deildinni þegar ekki var samið við hann aftur. Þessi mikli háloftafugl og skemmtikraftur átti ekki von á ákvörðun Njarðvíkinga.
