Shakira missti sig í stúkunni á Nou Camp | Myndband

Kólumbíska söngkonan Shakira var í hópi fjölmarga stuðningsmanna Barcelona sem gersamlega misstu sig í leikslok eftir að Börsungar höfðu gert hið ómögulega í gærkvöldi, komið til baka og slegið út Paris Saint Germain.

Barcelona vann seinni leikinn 6-1 og þar með 6-5 samanlagt en sigurmark Sergi Roberto kom á fimmtu mínútu í uppbótartíma.

Shakira er ástkona varnarmannsins Gerard Piqué og eiga þau tvö börn saman. Þau kynntust við upptökur á HM-lagi Shakiru „Waka Waka (This Time for Africa)“ vorið 2010.

Shakira var að sjálfsögðu mætt í stúkuna í gær á þennan mikilvægan leik og það var örugglega mögnuð upplifun að verða vitni af lokamínútunum þegar Barcelona skoraði þrjú mörk á skömmum tíma og tryggði sér sæti í átta liða úrslitunum.

Sjá einnig:Barcelona áfram eftir stórkostlega endurkomu | Sjáðu mörkin

Shakira vildi að aðdáendur sínir fengu að upplifa þessa ótrúlegu stund með henni og hún tók upp á myndband fögnuð sinn og stuðningsmanna Barcelona sem voru við hlið hennar í stúkunni.

Shakira kallar hvað eftir annað „Histórico“ eða sögulegt og þar hittir hún svo sannarlega naglann á höfuðið því aldrei áður hefur lið kom til baka í Meistaradeildinni eftir að hafa tapað fyrri leiknum 4-0.

Það er hægt að sjá myndbandið hennar Shakiru hér fyrir neðan.