Gott snjóbað

Þegar beðið er eftir fyrstu lest í kjölfar mikillar snjókomu er ágætt að hafa í huga að standa örlítið frá lestarteinunum, annars fer eins og hér. Líklega hefur þetta þó örugglega verið frekar gaman og engum varð meint af, en einhverjir hafa vafalaust orðið blautir og það hefur tekið tímann að dusta af sér mesta snjóinn eftir þessa snjóöldu.

Það var lest frá Amtrak í Bandaríkjunum sem sá um þetta skemmtiatriði sem fleiri tóku þátt í en vænta mátti. Einn af þeim var Nick Colvin sem náði þessum skemmtilegu myndum af því þegar lestin skóflar upp snjónum yfir þá sem biðu á lestarpallinum. Á endanum sést ekki mikið gegnum linsu myndavélar hans fyrir snjó.

Af hverju lestin hinsvegar fór svona hratt að pallinum, er óljóst, en kannski var lestarstjórinn bara mikill húmoristi eða hrekkjusvín.