Sviptu hulunni af 500 kílóa styttu til heiðurs Shaq | Myndband

Shaquille O’Neal var heiðraður fyrir leik Los Angeles Lakers gegn Minnesota Timberwolves í nótt þegar félagið sviptu hulunni af rúmlega 500 kílóa bronsstyttu af honum til minningar um feril hans hjá félaginu.

O’Neal sem varð fjórum sinnum NBA-meistari er talinn meðal bestu miðherja allra tíma í NBA-deildinni en með hann innanborðs urðu Lakers meistarar þrjú ár í röð á árunum 2000 til 2002.

Var hann þrisvar valinn verðmætasti leikmaður(e. most valueable player) úrslitakeppninnar og einu sinni valinn verðmætasti leikmaður deildarinnar en Lakers sendi treyju hans í rjáfur Staples Center á síðasta ári.

Er hann áttundi maðurinn sem fær styttu af sér fyrir utan þessa frægu höll en fjölmargar goðsagnir í körfuboltanum voru mættar til að taka þátt í athöfninni í gær.

Hér fyrir neðan má sjá frá því þegar hulunni var svipt af styttunni ásamt myndbandi af allri athöfninni ásamt ræðuhöldum þar sem Shaq þakkaði fyrir sig með ræðu.

It's official!@SHAQ's statue is unveiled at Staples Center. #TheBigStatue pic.twitter.com/DGdoOkS76G

— NBA TV (@NBATV) March 25, 2017