Árásir á innsoginu Kristín Þorsteinsdóttir skrifar 8. apríl 2017 07:00 Bandaríkjamenn hófu í vikunni eldflaugaárásir á herstöðvar Sýrlandshers. Árásirnar komu í kjölfar þess að upplýst var um skelfilega efnavopnaárás sýrlenska stjórnarhersins í bænum Khan Sheikhun þar sem fjölmargir óbreyttir borgarar létu lífið. Myndir af árásinni vöktu óhug meðal heimsbyggðarinnar og virðast hafa orðið til þess að Trump forseti lét til skarar skríða. Loftárásir Bandaríkjamanna marka þáttaskil í borgarastyrjöldinni í Sýrlandi en hingað til hefur þátttaka þeirra einskorðast við tilraunir til að útrýma hryðjuverkasamtökunum ISIS. Ekki er langt liðið síðan Trump sjálfur sagði enga ástæðu fyrir Bandaríkin til að beita sér fyrir því að Bassar al Assad forseta yrði steypt af stóli. Eins og fyrirsjáanlegt var hafa Rússar fordæmt árásirnar af hörku og sagt þær brot á alþjóðalögum og hreinan stríðsglæp. Aðrar stórþjóðir virðast styðja framtak Trumps frekar en hitt. Frakkar, Bretar, Kanadamenn og Þjóðverjar hafa lýst því yfir að árásirnar hafi verið réttlætanlegar enda beint gegn hernaðarskotmörkum. Ekki einu sinni Kínverjar hafa hreyft mótbárum. Alþjóðasamfélagið, að Rússum og fylgitunglum þeirra undanskildum, virðist því á þeirri skoðun að Assad sé skaðvaldur sem þurfi að koma frá völdum. Hvort þessi samstaða muni leiða til frekari inngripa af hálfu Bandaríkjamanna og annarra verður tíminn að leiða í ljós. Hvað sem því líður er hins vegar erfitt að fagna því þegar gripið er til hernaðaraðgerða. Þegar hafa borist tíðindi af mannfalli meðal óbreyttra borgara. Spurningin er því sem endranær hvort misindisverk réttlæti misindisverk. Það sem helst vekur áhyggjur í þessu ferli öllu saman er kannski hversu stuttur kveikiþráðurinn er í Bandaríkjaforseta. Stutt er síðan hann taldi enga hættu stafa af Assad. Það er líka stutt síðan hann kepptist við að mæra Rússlandsforseta og að talið var ólíklegt að hann myndi bjóða honum birginn svo opinskátt. Nú er öldin önnur. Ekki má heldur gleyma því að Trump ýjaði svo eftirminnilega að því í kosningabaráttu sinni að hernaðaraðgerðir væru tilvalin leið til að hífa upp vinsældir forseta, sem ætti á brattann að sækja. Nú rifjast það upp. Vel má vera að hægt sé að réttlæta aðgerðir Bandaríkjamanna í Sýrlandi. Það verður ekki reynt á þessum vettvangi. Hins vegar er full ástæða til að staldra við og draga andann. Örlög heimsins virðast nú í höndum manna sem fátt bendir til að hafi jafnaðargeð til að bera. Viltu birta grein á Vísi? Sendu okkur póst. Senda grein Donald Trump Birtist í Fréttablaðinu Kristín Þorsteinsdóttir Sýrland Mest lesið Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Sterk staða Hafnarfjarðar Orri Björnsson Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Þvílíkt „plan“ fyrir íslensk heimili Magnea Gná Jóhannsdóttir Skoðun Sumt er bara ekki hægt að rökræða Ása Lind Finnbogadóttir Skoðun Pjattkratar taka til Þorsteinn Sæmundsson Skoðun Vaxtamunarviðskipti láta aftur á sér kræla Jökull Sólberg Auðunsson Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir Skoðun Veðmál barna – hættulegur leikur sem hægt er að stöðva Jóhann Steinar Ingimundarson Skoðun
Bandaríkjamenn hófu í vikunni eldflaugaárásir á herstöðvar Sýrlandshers. Árásirnar komu í kjölfar þess að upplýst var um skelfilega efnavopnaárás sýrlenska stjórnarhersins í bænum Khan Sheikhun þar sem fjölmargir óbreyttir borgarar létu lífið. Myndir af árásinni vöktu óhug meðal heimsbyggðarinnar og virðast hafa orðið til þess að Trump forseti lét til skarar skríða. Loftárásir Bandaríkjamanna marka þáttaskil í borgarastyrjöldinni í Sýrlandi en hingað til hefur þátttaka þeirra einskorðast við tilraunir til að útrýma hryðjuverkasamtökunum ISIS. Ekki er langt liðið síðan Trump sjálfur sagði enga ástæðu fyrir Bandaríkin til að beita sér fyrir því að Bassar al Assad forseta yrði steypt af stóli. Eins og fyrirsjáanlegt var hafa Rússar fordæmt árásirnar af hörku og sagt þær brot á alþjóðalögum og hreinan stríðsglæp. Aðrar stórþjóðir virðast styðja framtak Trumps frekar en hitt. Frakkar, Bretar, Kanadamenn og Þjóðverjar hafa lýst því yfir að árásirnar hafi verið réttlætanlegar enda beint gegn hernaðarskotmörkum. Ekki einu sinni Kínverjar hafa hreyft mótbárum. Alþjóðasamfélagið, að Rússum og fylgitunglum þeirra undanskildum, virðist því á þeirri skoðun að Assad sé skaðvaldur sem þurfi að koma frá völdum. Hvort þessi samstaða muni leiða til frekari inngripa af hálfu Bandaríkjamanna og annarra verður tíminn að leiða í ljós. Hvað sem því líður er hins vegar erfitt að fagna því þegar gripið er til hernaðaraðgerða. Þegar hafa borist tíðindi af mannfalli meðal óbreyttra borgara. Spurningin er því sem endranær hvort misindisverk réttlæti misindisverk. Það sem helst vekur áhyggjur í þessu ferli öllu saman er kannski hversu stuttur kveikiþráðurinn er í Bandaríkjaforseta. Stutt er síðan hann taldi enga hættu stafa af Assad. Það er líka stutt síðan hann kepptist við að mæra Rússlandsforseta og að talið var ólíklegt að hann myndi bjóða honum birginn svo opinskátt. Nú er öldin önnur. Ekki má heldur gleyma því að Trump ýjaði svo eftirminnilega að því í kosningabaráttu sinni að hernaðaraðgerðir væru tilvalin leið til að hífa upp vinsældir forseta, sem ætti á brattann að sækja. Nú rifjast það upp. Vel má vera að hægt sé að réttlæta aðgerðir Bandaríkjamanna í Sýrlandi. Það verður ekki reynt á þessum vettvangi. Hins vegar er full ástæða til að staldra við og draga andann. Örlög heimsins virðast nú í höndum manna sem fátt bendir til að hafi jafnaðargeð til að bera.
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir Skoðun