Harry Styles í Gucci á forsíðu Rolling Stone

Söngvarinn og fyrrum hljómsveitarmeðlimur One Direction, Harry Styles, prýðir forsíðu nýjasta Rolling Stone. Styles er á fullu um þessar mundir að kynna nýju plötu sína sem er væntanleg á næstu vikum. 

Í tölublaðinu er langt og ítarlegt viðtal við Harry sem tekið er af Cameron Crowe, höfundi kvikmyndarinnar Almost Famous. Forsíðuþátturinn er skotinn af Theo Wenner. 

Það vekur athygli að Harry klæðist nánast einungis Gucci í forsíðuþættinum. Frægt er að Alessandro Michele er mikill aðdáandi söngvarans. Hann hefur mörgum sinnum klætt Styles fyrir myndatökur og verðlaunaafhendingar á seinustu árum. 

Við mælum með því að lesa viðtalið í heild sinni hér.