Búið er að fresta fyrsta leik Snæfells og Keflavíkur í úrslitum Domino's deildar kvenna í körfubolta vegna veðurs.
Leikurinn fer fram klukkan 20:00 á morgun.
Það verður því sannkallaður úrslitatvíhöfði á morgun því fyrsta leik KR og Grindavíkur í úrslitaeinvígi karla hefur verið flýtt um klukkutíma, til klukkan 18:15.
Domino's Körfuboltakvöld verður í Stykkishólmi og hefst bein útsending á Stöð 2 Sport HD klukkan 18:00 og stendur til klukkan 22:30.
