Akademía Barcelona snýr aftur til Íslands

Barcelona mun annað árið í röð halda æfingabúðir hér á landi í samstarfi við Knattpsyrnuakademíu Íslands. Nú verður bæði stúlkum og drengjum boðið að taka þátt.

Stórlið Barcelona kom með akademíu sína hingað til lands í fyrsta sinn í fyrra og bauð þá eingöngu stúlkum upp á æfingabúðir þar sem reyndir þjálfarar Barcelona miðluðu af reynslu sinni bæði til stúlknanna og íslenskra þjálfara.

Æfingabúðir fyrir 10-16 ára drengi verða haldnar dagana 18.-22. júní og fyrir 10-16 ára stúlkur dagana 24.-28. júní.

Skráning í æfingabúðir Barcelona hefjast á morgun, föstudaginn 28. apríl, klukkan 10.00 á heimasíðu Knattspyrnuakademíunnar. Þar má einnig finna nánari upplýsingar um æfingabúðirnar.