Íslenska tónlistarhátíðin Secret Solstice var nefnd í upptalningu í leiðarvísi The Guardian um bestu tónlistarhátíðir ársins sem birtur var á vef The Guardian fyrr í vikunni. Það er blaðamaðurinn Kate Hutchinson sem mælir með Secret Solstice en margir blaðamenn koma að gerð listans.
Hún segir Secret Solstice hafa ákveðinn „wow-faktor“ sökum þess að íslenska náttúran og 5.000 ára gamalt hraun leiki þar stórt hlutverk. Þar á hún við að í ár verða sérstakir tónleikar haldnir í Raufarhólshelli.
Þetta mun vera hin fínasta auglýsing fyrir hátíðina sem haldin verður um miðjan júní. Þess má til gamans geta að aðrar hátíðir sem komust á listann eru meðal annars bresku hátíðirnar Field Day og Demon Dayz.
Blaðamaður The Guardian mælir með íslensku hátíðinni Secret Solstice
Guðný Hrönn skrifar

Mest lesið






Bylgjulestin verður í Hallormsstaðaskógi á laugardag
Lífið samstarf

Taktu þátt í sumarbókaviku á Bylgjunni og Vísi
Lífið samstarf


