Kellogg's fer í mál við tenniskappa

Morgunkornsframleiðandinn Kellogg's er farinn í mál við ástralska tenniskappann Thanasi Kokkinakis sem er farinn að auglýsa sig sem Special K.

Special K er auðvitað eitt af þekktustu vörumerkjum Kellogg's og er í skálinni hjá mörgum Íslendingum á hverjum morgni.

Kellogg's hefur verið með einkaleyfi á þessu nafni í Ástralíu í 59 ár og kann ekki að meta að tenniskappinn ætli að reyna að stela því.

Hinn 21 árs gamli Kokkinakis vill nota viðurnefnið á fatnað sem hann leggur nafn sitt við sem og annan varning sem er honum tengdur.

Málið verður tekið fyrir í ágúst.