Breski Íhaldsflokkurinn og Lýðræðislegi sambandsflokkurinn (DUP) hafa náð saman um myndun nýrrar stjórnar í landinu. Theresa May mun leiða minnihlutastjórn Íhaldsflokksins sem mun njóta stuðnings DUP.
BBC greinir frá því að samkomulag hafi loks náðst í morgun, um hálfum mánuði eftir bresku þingkosningarnar þar sem Íhaldsflokkurinn missti meirihluta sinn á þingi.
Tíu þingmenn DUP munu styðja þingflokk Íhaldsmanna í mikilvægum atkvæðagreiðslum á þingi, en ekki verður um formlegt bandalag flokkanna að ræða. DUP verður ekki með neina ráðherra í stjórninni.
Viðræður flokkanna hafa að stórum hluta snúið að fjárframlögum til Norður-Írlands og yfirvofandi útgöngu Bretlands úr Evrópusambandinu.
Samkvæmt leiðtogum DUP hefur Íhaldsflokkurinn meðal annars samþykkt að bresk stjórnvöld auki stuðning við fyrrverandi hermönnum á Norður-Írlandi.
May boðaði óvænt til kosninga í vor þar sem hún sagðist vilja sækja nýtt umboð frá þjóðinni áður en ráðist yrði í Brexit-viðræðurnar við Evrópusambandið.
Íhaldsflokknum vantaði níu þingsæti til að ná hreinum meirihluta og leitaði því eftir samstarfi við DUP.
Íhaldsmenn og DUP ná saman um nýja stjórn
Tengdar fréttir
Leiðtogi DUP segir stjórnarmyndunarviðræður miða vel
Theresa May og Arlene Foster hafa fundað í London í dag til að ræða stjórnarsamstarf.
Lýðræðislegi sambandsflokkurinn DUP skyndilega kominn í valdastöðu
Theresa May, formaður Íhaldsflokkins, leitast nú eftir að mynda minnihlutastjórn Íhaldsflokksins með stuðningi þingmanna DUP.
