Verða flottar í tauinu á EM

Stelpurnar í íslenska kvennalandsliðinu í fótbolta verða flottar í tauinu á EM í Hollandi sem hefst eftir tæpan mánuð.

Íslensku stelpurnar verða klæddar í fatnað frá Polo Ralph Lauren frá versluninni Mathilda í Kringlunni.

Á myndinni hér að neðan má sjá mynd af íslensku stelpunum í EM-fötunum.

Það verður ekki annað sagt en að íslensku fótboltalandsliðin séu vel til fara en strákarnir í karlalandsliðinu fengu sérsaumuð föt frá Herragarðinum fyrir EM í Frakklandi á síðasta ári.

Flautað verður til leiks á EM í Hollandi 16. júlí en fyrsti leikur Íslands er gegn Frakklandi tveimur dögum síðar.