Landsliðsmanninum Alfreð Finnbogasyni er meira til lista lagt en fótbolti. Á dögunum útskrifaðist hann með mastersgráðu í íþróttastjórnun (e. Sport Management) frá Cruyff Institute.
Lokahluti námsins var skrif á lokaritgerð og valdi Alfreð að skrifa verk sitt um KSÍ. Titill ritgerðarinnar var KSÍ: Improved and sustainable FA og afhenti hann Guðna Bergssyni, formanni KSÍ, eintak af ritgerðinni.
Í ritgerðinni fer Alfreð yfir viðskiptaplan sitt fyrir knattspyrnusambandið og þær hugmyndir sem hann hefur til að bæta KSÍ á öllum sviðum.
Alfreð leikur með þýska liðinu Augsburg og hefur hann komið við sögu í 28 leikjum með félaginu. Hann á einnig að baki 41 leik með A-landsliði Íslands og skoraði í þeim 11 mörk.
Alfreð Finnboga skrifar mastersritgerð um KSÍ
Tengdar fréttir
Strákarnir okkar ná nýjum hæðum á styrkleikalista FIFA
Íslenska karlalandsliðið stekkur upp um þrjú sæti og í það nítjánda á nýjum styrkleikalista FIFA sem verður gefinn út á fimmtudaginn. Ísland hefur aldrei verið ofar á styrkleikalistanum.
