Fólk oft hissa að sjá unga konu með harmóníku Guðný Hrönn skrifar 18. júlí 2017 13:00 Ásta Soffía spilaði nýverið á harmóníku fyrir norsku konungshjónin. Mynd/ Halldóra Kristín Bjarnadóttir Ásta Soffía Þorgeirsdóttir er 21 árs og spilar á harmóníku. Hún segir margt fólk verða hissa þegar það sér unga konu spila á harmóníku enda tengir fólk hljóðfærið gjarnan við gömlu danslögin. En að sögn Ástu er hægt að spila afar fjölbreytt tónlist á harmóníku. „Ég byrjaði að læra á harmóníku í Tónlistarskóla Húsavíkur þegar ég var átta ára gömul. Núna var ég að ljúka þriðja árinu í bachelor-námi við Norges musikkhøgskole,“ segir harmóníkuleikarinn og Húsvíkingurinn Ásta Soffía. Spurð út í af hverju harmóníka varð fyrir valin þegar kom að því að velja hljóðfæri til að læra á segir Ásta: „Ég var á hljóðfærakynningu í Tónlistarskólanum á Húsavík þegar ég var sjö ára. Mér fannst svo flott þegar strákurinn sem var að sýna harmóníkuna spilaði Ríðum, ríðum, rekum yfir sandinn í þríundum. Svo var ég líka pínu skotin í stráknum. Haustið eftir tók hrifningin á harmóníkunni yfir.“ Ásta segir fólk oft verða undrandi þegar það sér unga konu spila á harmóníku.„Fólk er oft hissa, ég bjóst ekki endilega við því, en fljótt á eftir fylgir yfirleitt áhugi og forvitni. Mér finnst svo gaman að sýna hvers harmóníkan er megnug. Það búast kannski flestir við að maður sé að spila gömlu danslögin sem er kannski oft tónlistin sem fólk tengir við harmóníkuna. Þá er gaman að sýna þeim að á harmóníkuna er hægt að spila allar tegundir tónlistar.“ Sjálf spilar Ásta fjölbreytta tónlist á harmóníkuna. „Ég reyni að spila eins fjölbreytt og ég get. Ég tek því fagnandi þegar mér er ýtt út fyrir þægindarammann en mér finnst ég læra einna mest af þeim verkefnum. Með harmóníkukennurunum mínum úti í Ósló spila ég mest barokktónlist og nútímatónlist. Ég legg líka mikla stund á frían spuna og nota þá kunnáttu inn í mörg önnur tónlistarverkefni. Ég hef verið að leika mér mikið með þjóðlagatónlist frá Norðurlöndunum og þar kemur fríi spuninn sterkt inn. Ég spila einnig argentínska tangótónlist, franska chansons, útset dálítið píanóverk og kórverk fyrir harmóníkuna, gömlu skandinavísku harmóníkutónlistinni hef ég líka gaman af. Í vetur var ég líka í tónlistarverkefni þar sem við vorum að spila gamla breska pub tónlist með hljómsveitinni Alehouse sessions. Þannig að listinn er langur. Ég hef það að markmiði að öðlast sem mest vald á harmóníkunni og skilning þannig að ég geti spilað sem fjölbreyttasta tónlist.“ „Tónlistin sem ég spila á harmóníkuna er oft í takt við það sem ég hlusta á í daglegu lífi. Maður lærir svo mikið af því að hlusta og hlusta. En óháð því hvað ég er að spila þá hlusta ég mikið á íslenska tónlist. Ég fæ mikinn innblástur frá henni. Hljómsveitin Valdimar er í uppáhaldi hjá mér,“ útskýrir Ásta sem er mikill tónlistarunnandi og nýtur þess að fara á tónleika. „Ég hlusta mikið á tónlist kennaranna minna Rolf-Erik Nystrøm, Håkon Thelin og Frode Haltli. Ég hef mikið dálæti á tónlist Monique Andrée Serf sem bar listanafnið Barbara. Uppáhaldssöngkonan mín er Concha Buika. Svo er ég dugleg að fara á tónleika í Ósló. Ósló er ein mesta tónleikaborg Evrópu. Ótrúlega fjölbreytt tónleikaúrval á hverjum degi.“ Ekki mjög líkamlega erfittHarmóníkan sem Ásta spilar á er í kringum 15 kíló. Aðspurð hvort það reyni ekki líkamlega mikið á að spila á hljóðfærið segir Ásta: „Það reynir á að spila á öll hljóðfæri. Maður finnur ekki eins mikið fyrir harmóníkunni í fanginu eins og margir halda. Það er aðallega að ég verði þreytt í höndunum, sérstaklega þeirri vinstri sem stjórnar belgnum. Það er mikilvægt að fara vel með sig, standa reglulega upp þegar maður er að æfa sig og leggja harmóníkuna frá sér. Ég var mikið í íþróttum þegar ég var að alast upp og það stendur með mér og ég viðheld því með reglulegri hreyfingu.“ Að lokum rifjar Ásta upp einn af hápunktum harmóníkuferils síns fyrir lesendur, þegar hún spilaði fyrir Guðna Th. forseta Íslands í opinberri heimsókn í Ósló. „Það var mikill heiður og ekkert smá gaman! Við vorum fjögur sem spiluðum íslenska tónlist. Haraldur konungur og Sonja drottning voru einnig við athöfnina. Þetta er tvímælalaust einn af hápunktunum hjá mér á mínum stutta tónlistarferli.“ Spurð út í hvað sé fram undan segist Ásta verða með ferna tónleika í ágúst ásamt tveimur skólafélögum sínum. „Tíunda ágúst verðum við í Húsavíkurkirkju, 11. ágúst verðum við í Reykjahlíðarkirkju í Mývatnssveit, þann 14. ágúst í Siglufjarðarkirkju og 17. ágúst í Hannesarholti í Reykjavík.“ Tónlist Mest lesið Kalli Bjarni búinn að breyta lífi sínu Lífið Flaug á hausinn fyrsta skóladaginn eftir frí Lífið Njáll á yfir fimmtíu mótorhjól og mun aldrei hætta að safna Lífið „Magnað ég hafi lifað 22 ár án þess að fara í aðra aðgerð“ Lífið Ást er: Skrifa sína eigin Rómeo og Júlíu Makamál Rikki G á stórafmæli: „Ég er bara að fara að grenja“ Lífið Harpa kvótadrottning aftur á skjáinn Bíó og sjónvarp Strípibúlluást sem hleypir öllu í háaloft Gagnrýni Fögnuðu sigrum sínum langt fram á nótt Lífið Opnar umboðsskrifstofu með Gumma kíró Lífið Fleiri fréttir Kalli Bjarni búinn að breyta lífi sínu Njáll á yfir fimmtíu mótorhjól og mun aldrei hætta að safna Flaug á hausinn fyrsta skóladaginn eftir frí Fögnuðu sigrum sínum langt fram á nótt „Magnað ég hafi lifað 22 ár án þess að fara í aðra aðgerð“ Opnar umboðsskrifstofu með Gumma kíró „Var mjög sár og reið út í hann þegar ég sá hann“ Rikki G á stórafmæli: „Ég er bara að fara að grenja“ Eftirminnilegast að hitta Loreen Tugtaður til í kaþólskum einkaskóla Tónlistarfólk hjálpar leikskólabörnum að komast á EM í skák Stórafmælið hefur afleiðingar Fimm konur í dómnefnd Ungfrú Ísland Ofurfyrirsætan opnar sig í fyrsta sinn um ástina Foreldrar mæti með lögfræðing með sér í skólann Ólsen ólsen extra: Leikurinn þróast mikið og orðinn mun hraðari Bóndinn Sigríður Hlynur missti af 350 þúsund krónum Björgunarsveitin kom Kötlu til bjargar Fögnuðu konum í ljósmyndun á alþjóðlegum baráttudegi Nagli og lætur ekki vaða yfir sig Með engan áhuga á kynlífi og vill ekki ræða það Sesarsalat takkó sem þú verður að prófa Skaust fyrr af æfingu og sótti milljónir í verðlaunafé Glæsilegir gestir á fjáröflunar-galakvöldi Ljóssins Ástin blómstrar hjá Steinunni Endurnýjuðu heitin að rússneskum sið Langaði í fleiri ævintýri og fluttu því frá Íslandi Miðpunktur kvöldsins í gegnsæjum samfestingi á árshátíð RÚV Frægasta dúkka í heimi mótaði Erlu mest Birta Líf og Gunnar Patrik eignuðust dóttur Sjá meira
Ásta Soffía Þorgeirsdóttir er 21 árs og spilar á harmóníku. Hún segir margt fólk verða hissa þegar það sér unga konu spila á harmóníku enda tengir fólk hljóðfærið gjarnan við gömlu danslögin. En að sögn Ástu er hægt að spila afar fjölbreytt tónlist á harmóníku. „Ég byrjaði að læra á harmóníku í Tónlistarskóla Húsavíkur þegar ég var átta ára gömul. Núna var ég að ljúka þriðja árinu í bachelor-námi við Norges musikkhøgskole,“ segir harmóníkuleikarinn og Húsvíkingurinn Ásta Soffía. Spurð út í af hverju harmóníka varð fyrir valin þegar kom að því að velja hljóðfæri til að læra á segir Ásta: „Ég var á hljóðfærakynningu í Tónlistarskólanum á Húsavík þegar ég var sjö ára. Mér fannst svo flott þegar strákurinn sem var að sýna harmóníkuna spilaði Ríðum, ríðum, rekum yfir sandinn í þríundum. Svo var ég líka pínu skotin í stráknum. Haustið eftir tók hrifningin á harmóníkunni yfir.“ Ásta segir fólk oft verða undrandi þegar það sér unga konu spila á harmóníku.„Fólk er oft hissa, ég bjóst ekki endilega við því, en fljótt á eftir fylgir yfirleitt áhugi og forvitni. Mér finnst svo gaman að sýna hvers harmóníkan er megnug. Það búast kannski flestir við að maður sé að spila gömlu danslögin sem er kannski oft tónlistin sem fólk tengir við harmóníkuna. Þá er gaman að sýna þeim að á harmóníkuna er hægt að spila allar tegundir tónlistar.“ Sjálf spilar Ásta fjölbreytta tónlist á harmóníkuna. „Ég reyni að spila eins fjölbreytt og ég get. Ég tek því fagnandi þegar mér er ýtt út fyrir þægindarammann en mér finnst ég læra einna mest af þeim verkefnum. Með harmóníkukennurunum mínum úti í Ósló spila ég mest barokktónlist og nútímatónlist. Ég legg líka mikla stund á frían spuna og nota þá kunnáttu inn í mörg önnur tónlistarverkefni. Ég hef verið að leika mér mikið með þjóðlagatónlist frá Norðurlöndunum og þar kemur fríi spuninn sterkt inn. Ég spila einnig argentínska tangótónlist, franska chansons, útset dálítið píanóverk og kórverk fyrir harmóníkuna, gömlu skandinavísku harmóníkutónlistinni hef ég líka gaman af. Í vetur var ég líka í tónlistarverkefni þar sem við vorum að spila gamla breska pub tónlist með hljómsveitinni Alehouse sessions. Þannig að listinn er langur. Ég hef það að markmiði að öðlast sem mest vald á harmóníkunni og skilning þannig að ég geti spilað sem fjölbreyttasta tónlist.“ „Tónlistin sem ég spila á harmóníkuna er oft í takt við það sem ég hlusta á í daglegu lífi. Maður lærir svo mikið af því að hlusta og hlusta. En óháð því hvað ég er að spila þá hlusta ég mikið á íslenska tónlist. Ég fæ mikinn innblástur frá henni. Hljómsveitin Valdimar er í uppáhaldi hjá mér,“ útskýrir Ásta sem er mikill tónlistarunnandi og nýtur þess að fara á tónleika. „Ég hlusta mikið á tónlist kennaranna minna Rolf-Erik Nystrøm, Håkon Thelin og Frode Haltli. Ég hef mikið dálæti á tónlist Monique Andrée Serf sem bar listanafnið Barbara. Uppáhaldssöngkonan mín er Concha Buika. Svo er ég dugleg að fara á tónleika í Ósló. Ósló er ein mesta tónleikaborg Evrópu. Ótrúlega fjölbreytt tónleikaúrval á hverjum degi.“ Ekki mjög líkamlega erfittHarmóníkan sem Ásta spilar á er í kringum 15 kíló. Aðspurð hvort það reyni ekki líkamlega mikið á að spila á hljóðfærið segir Ásta: „Það reynir á að spila á öll hljóðfæri. Maður finnur ekki eins mikið fyrir harmóníkunni í fanginu eins og margir halda. Það er aðallega að ég verði þreytt í höndunum, sérstaklega þeirri vinstri sem stjórnar belgnum. Það er mikilvægt að fara vel með sig, standa reglulega upp þegar maður er að æfa sig og leggja harmóníkuna frá sér. Ég var mikið í íþróttum þegar ég var að alast upp og það stendur með mér og ég viðheld því með reglulegri hreyfingu.“ Að lokum rifjar Ásta upp einn af hápunktum harmóníkuferils síns fyrir lesendur, þegar hún spilaði fyrir Guðna Th. forseta Íslands í opinberri heimsókn í Ósló. „Það var mikill heiður og ekkert smá gaman! Við vorum fjögur sem spiluðum íslenska tónlist. Haraldur konungur og Sonja drottning voru einnig við athöfnina. Þetta er tvímælalaust einn af hápunktunum hjá mér á mínum stutta tónlistarferli.“ Spurð út í hvað sé fram undan segist Ásta verða með ferna tónleika í ágúst ásamt tveimur skólafélögum sínum. „Tíunda ágúst verðum við í Húsavíkurkirkju, 11. ágúst verðum við í Reykjahlíðarkirkju í Mývatnssveit, þann 14. ágúst í Siglufjarðarkirkju og 17. ágúst í Hannesarholti í Reykjavík.“
Tónlist Mest lesið Kalli Bjarni búinn að breyta lífi sínu Lífið Flaug á hausinn fyrsta skóladaginn eftir frí Lífið Njáll á yfir fimmtíu mótorhjól og mun aldrei hætta að safna Lífið „Magnað ég hafi lifað 22 ár án þess að fara í aðra aðgerð“ Lífið Ást er: Skrifa sína eigin Rómeo og Júlíu Makamál Rikki G á stórafmæli: „Ég er bara að fara að grenja“ Lífið Harpa kvótadrottning aftur á skjáinn Bíó og sjónvarp Strípibúlluást sem hleypir öllu í háaloft Gagnrýni Fögnuðu sigrum sínum langt fram á nótt Lífið Opnar umboðsskrifstofu með Gumma kíró Lífið Fleiri fréttir Kalli Bjarni búinn að breyta lífi sínu Njáll á yfir fimmtíu mótorhjól og mun aldrei hætta að safna Flaug á hausinn fyrsta skóladaginn eftir frí Fögnuðu sigrum sínum langt fram á nótt „Magnað ég hafi lifað 22 ár án þess að fara í aðra aðgerð“ Opnar umboðsskrifstofu með Gumma kíró „Var mjög sár og reið út í hann þegar ég sá hann“ Rikki G á stórafmæli: „Ég er bara að fara að grenja“ Eftirminnilegast að hitta Loreen Tugtaður til í kaþólskum einkaskóla Tónlistarfólk hjálpar leikskólabörnum að komast á EM í skák Stórafmælið hefur afleiðingar Fimm konur í dómnefnd Ungfrú Ísland Ofurfyrirsætan opnar sig í fyrsta sinn um ástina Foreldrar mæti með lögfræðing með sér í skólann Ólsen ólsen extra: Leikurinn þróast mikið og orðinn mun hraðari Bóndinn Sigríður Hlynur missti af 350 þúsund krónum Björgunarsveitin kom Kötlu til bjargar Fögnuðu konum í ljósmyndun á alþjóðlegum baráttudegi Nagli og lætur ekki vaða yfir sig Með engan áhuga á kynlífi og vill ekki ræða það Sesarsalat takkó sem þú verður að prófa Skaust fyrr af æfingu og sótti milljónir í verðlaunafé Glæsilegir gestir á fjáröflunar-galakvöldi Ljóssins Ástin blómstrar hjá Steinunni Endurnýjuðu heitin að rússneskum sið Langaði í fleiri ævintýri og fluttu því frá Íslandi Miðpunktur kvöldsins í gegnsæjum samfestingi á árshátíð RÚV Frægasta dúkka í heimi mótaði Erlu mest Birta Líf og Gunnar Patrik eignuðust dóttur Sjá meira