Á eftir að ákveða hvernig ég klára hann Henry Birgir Gunnarsson skrifar 14. júlí 2017 07:00 Gunnar Nelson segist aldrei hafa verið betri eftir afar vel heppnaðar æfingabúðir. vísir/getty „Mér leist bara vel á hann og hélt hann væri aðeins stærri. Mér fannst hann vera með svolítið lítinn haus en það er kannski bara einhver vitleysa,“ sagði léttur og hreinskilinn Gunnar Nelson um sinn fyrsta hitting með Argentínumanninum Santiago Ponzinibbio sem hann berst við á sunnudag.Eins og rokkstjarna Fjölmiðladagur UFC fyrir bardagakvöldið í Glasgow fór fram í gær og Gunnar var langvinsælasti viðmælandinn. Hann var reyndar nánast eins og rokkstjarna því blaðamenn kepptust við að taka svokallaðar bolamyndir með honum. Gunni gaf sér tíma í það með bros á vör. Í góðu andlegu jafnvægi og lék við hvurn sinn fingur. Gunnar er í hrikalega góðu standi og þarf nánast ekkert að skera niður til þess að vera í réttri þyngd á morgun er hann þarf að stíga á vigtina. Það þakkar hann frábærum æfingabúðum.Nýi Mjölnir er bara klikkaður „Ég hef aldrei verið betri og þessar æfingabúðir hafa verið hrikalega góðar. Það var betra að vera allan tímann heima núna í stað þess að fara til Dublin eins og ég geri oft. Þá er betri rútína með alla hluti. Mataræðið og æfingarnar. Ég er á stað þar sem ég er vanur að vera. Nýi Mjölnir er líka bara klikkaður og það er ekki neinn líkamsræktarsalur nálægt okkur sem er þetta góður,“ segir Gunnar en hann hefur oftast farið til Dublin og æft þar síðustu tvær til þrjár vikurnar fyrir bardaga. „Það var frábært að geta fengið stráka til þess að koma heim og æfa með mér og það fíla þetta allir. Þeim finnst gaman að ferðast og geggjað að æfa í nýja Mjölni. Það er líka þægilegt fyrir mig að vera heima því þá get ég verið meira með syni mínum.“ Þetta eru þriðja æfingabúðirnar í röð hjá Gunnari með nýjum áherslum í æfingunum og hann segir að það sé heldur betur að skila sér. „Við breyttum uppsetningunni og þrekæfingunum. Ég er að fíla þetta vel og er að fá meiri og betri tilfinningu fyrir þessu. Það er skýrt hvernig þetta á að vera og það virkar. Þar af leiðandi hafa þetta verið mínar bestu æfingabúðir hingað til.“ Gunnar er ekki vanur því að spá of mikið í andstæðinga sína þó svo eðlilega kynni hann sér andstæðinginn aðeins. „Ég hef aðeins séð hann berjast en eins og áður þá ætla ég að lesa hann aðeins fyrstu lotuna. Ég er búinn að sjá fyrir mér helling af mismunandi leiðum til þess að klára hann. Það verður svo að koma í ljós hvað verður fyrir valinu,“ segir Gunnar en hann er á leiðinni í fimm lotu bardaga í annað sinn á ferlinum og segist vera tilbúinn fyrir það.Ekki lulla eins og gömul dísilvél „Við erum búnir að æfa vel fyrir það ef svo fer. Ég stefni samt aldrei á að fara með bardaga í dómaraúrskurð. Ég mun reyna að klára hann og í hverjum einasta bardaga vill maður sýna hvað maður getur og senda skilaboð út. Ekki bara lulla út allar loturnar eins og gömul dísilvél. Gera ekki neitt.“ Ef vel fer ætlar Gunnar ekki að vera með nein læti og öskra eftir einhverjum ákveðnum andstæðingi í kjölfarið. Það er þó alveg klárt að hann vill fá einhverja af toppgaurunum. Hann hefur talað um að berjast aftur við Demian Maia, sem hann tapaði fyrir, en sér það nú ekki gerast strax.Efast um að fá það tækifæri „Það væri mjög skrítið ef ég fengi ekki einhvern af þessum efstu á listanum. Ég á nú ekki von á að fá Maia strax og sérstaklega ef hann verður heimsmeistari síðar í mánuðinum. Ég held því miður að það sé stutt í að Maia hætti en draumurinn er að fá að keppa aftur við hann þegar hann er með beltið. Það væri algjör draumur en ég efast um að ég fái tækifæri til þess. Ég held það sé það stutt eftir hjá honum,“ segir Gunnar en hann er enn spenntur fyrir því að fá að berjast við Stephen Thompson. „Það væri frábært en það er helling af gæjum þarna. Thompson er aftur á móti eitthvað sem er í umræðunni en við sjáum hvað setur.“ MMA Mest lesið Fimm ástæður þess að Ísland falli strax út á EM Fótbolti Sex leikmenn Íslands í lyfjapróf Fótbolti Nýi þjálfarinn spilar öðruvísi og Orri verður aðalframherjinn Fótbolti EM í dag: Hitabylgja og hrakfarir við komuna til Thun Fótbolti „Ég er mjög sátt og þið verðið bara að bíða spennt“ Fótbolti Rúnar Alex brákaði bein á fyrstu æfingunni Fótbolti Sjáðu tvennur Eiðs og Nikolaj, aukaspyrnu Kjartans og öll hin mörkin Íslenski boltinn Æfir í Dublin en fer fyrr til New Orleans „að venjast hitanum og rakanum“ Sport Bandaríkin áfram en Kanada úr leik eftir vítaspyrnukeppni Fótbolti Karólína Lea sögð skrifa undir hjá Inter á næstu dögum Fótbolti Fleiri fréttir UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal Læra af reynslunni og leyfa vatnspásur í hitanum á Wimbledon Teflt í skjóli móbergsveggja í Laugarvatnshellum „Ég er mjög sátt og þið verðið bara að bíða spennt“ Annað áfall fyrir andstæðinga Íslands Skellihlegið í Stúkunni: Svipuð nærvera og þegar Bjössi hitti Karabatic í Lindex Fimmtán daga dómi Ingebrigtsen verður ekki áfrýjað Karólína Lea sögð skrifa undir hjá Inter á næstu dögum Þjálfari Botafogo látinn fara Rúnar Alex brákaði bein á fyrstu æfingunni Nýi þjálfarinn spilar öðruvísi og Orri verður aðalframherjinn Fór heim með þrjár treyjur og stuttbuxur Messi Fimm ástæður þess að Ísland falli strax út á EM Stúkan: Átti annað mark ÍA að standa og hver skoraði? EM í dag: Hitabylgja og hrakfarir við komuna til Thun Æfir í Dublin en fer fyrr til New Orleans „að venjast hitanum og rakanum“ Sex leikmenn Íslands í lyfjapróf Ber engan kala til Antonelli eftir áreksturinn Sjáðu tvennur Eiðs og Nikolaj, aukaspyrnu Kjartans og öll hin mörkin Bandaríkin áfram en Kanada úr leik eftir vítaspyrnukeppni Tekur Martinez við hönskunum hjá United? Paul Ince ákærður fyrir ölvunarakstur Eina konan í tækninefnd FIFA á HM: Ég er langsigursælust af þeim öllum Kane afgreiddi Brassana „Gaman að skora og ég held að allir viti hvað Víkingur er fyrir mér“ Íslandsmeistarar krýndir á Íslandsmótinu í hestaíþróttum „Ég hef aldrei séð aðrar eins tölur“ Joao Pedro til Chelsea Belgar vörðu Evrópumeistaratitilinn Sjá meira
„Mér leist bara vel á hann og hélt hann væri aðeins stærri. Mér fannst hann vera með svolítið lítinn haus en það er kannski bara einhver vitleysa,“ sagði léttur og hreinskilinn Gunnar Nelson um sinn fyrsta hitting með Argentínumanninum Santiago Ponzinibbio sem hann berst við á sunnudag.Eins og rokkstjarna Fjölmiðladagur UFC fyrir bardagakvöldið í Glasgow fór fram í gær og Gunnar var langvinsælasti viðmælandinn. Hann var reyndar nánast eins og rokkstjarna því blaðamenn kepptust við að taka svokallaðar bolamyndir með honum. Gunni gaf sér tíma í það með bros á vör. Í góðu andlegu jafnvægi og lék við hvurn sinn fingur. Gunnar er í hrikalega góðu standi og þarf nánast ekkert að skera niður til þess að vera í réttri þyngd á morgun er hann þarf að stíga á vigtina. Það þakkar hann frábærum æfingabúðum.Nýi Mjölnir er bara klikkaður „Ég hef aldrei verið betri og þessar æfingabúðir hafa verið hrikalega góðar. Það var betra að vera allan tímann heima núna í stað þess að fara til Dublin eins og ég geri oft. Þá er betri rútína með alla hluti. Mataræðið og æfingarnar. Ég er á stað þar sem ég er vanur að vera. Nýi Mjölnir er líka bara klikkaður og það er ekki neinn líkamsræktarsalur nálægt okkur sem er þetta góður,“ segir Gunnar en hann hefur oftast farið til Dublin og æft þar síðustu tvær til þrjár vikurnar fyrir bardaga. „Það var frábært að geta fengið stráka til þess að koma heim og æfa með mér og það fíla þetta allir. Þeim finnst gaman að ferðast og geggjað að æfa í nýja Mjölni. Það er líka þægilegt fyrir mig að vera heima því þá get ég verið meira með syni mínum.“ Þetta eru þriðja æfingabúðirnar í röð hjá Gunnari með nýjum áherslum í æfingunum og hann segir að það sé heldur betur að skila sér. „Við breyttum uppsetningunni og þrekæfingunum. Ég er að fíla þetta vel og er að fá meiri og betri tilfinningu fyrir þessu. Það er skýrt hvernig þetta á að vera og það virkar. Þar af leiðandi hafa þetta verið mínar bestu æfingabúðir hingað til.“ Gunnar er ekki vanur því að spá of mikið í andstæðinga sína þó svo eðlilega kynni hann sér andstæðinginn aðeins. „Ég hef aðeins séð hann berjast en eins og áður þá ætla ég að lesa hann aðeins fyrstu lotuna. Ég er búinn að sjá fyrir mér helling af mismunandi leiðum til þess að klára hann. Það verður svo að koma í ljós hvað verður fyrir valinu,“ segir Gunnar en hann er á leiðinni í fimm lotu bardaga í annað sinn á ferlinum og segist vera tilbúinn fyrir það.Ekki lulla eins og gömul dísilvél „Við erum búnir að æfa vel fyrir það ef svo fer. Ég stefni samt aldrei á að fara með bardaga í dómaraúrskurð. Ég mun reyna að klára hann og í hverjum einasta bardaga vill maður sýna hvað maður getur og senda skilaboð út. Ekki bara lulla út allar loturnar eins og gömul dísilvél. Gera ekki neitt.“ Ef vel fer ætlar Gunnar ekki að vera með nein læti og öskra eftir einhverjum ákveðnum andstæðingi í kjölfarið. Það er þó alveg klárt að hann vill fá einhverja af toppgaurunum. Hann hefur talað um að berjast aftur við Demian Maia, sem hann tapaði fyrir, en sér það nú ekki gerast strax.Efast um að fá það tækifæri „Það væri mjög skrítið ef ég fengi ekki einhvern af þessum efstu á listanum. Ég á nú ekki von á að fá Maia strax og sérstaklega ef hann verður heimsmeistari síðar í mánuðinum. Ég held því miður að það sé stutt í að Maia hætti en draumurinn er að fá að keppa aftur við hann þegar hann er með beltið. Það væri algjör draumur en ég efast um að ég fái tækifæri til þess. Ég held það sé það stutt eftir hjá honum,“ segir Gunnar en hann er enn spenntur fyrir því að fá að berjast við Stephen Thompson. „Það væri frábært en það er helling af gæjum þarna. Thompson er aftur á móti eitthvað sem er í umræðunni en við sjáum hvað setur.“
MMA Mest lesið Fimm ástæður þess að Ísland falli strax út á EM Fótbolti Sex leikmenn Íslands í lyfjapróf Fótbolti Nýi þjálfarinn spilar öðruvísi og Orri verður aðalframherjinn Fótbolti EM í dag: Hitabylgja og hrakfarir við komuna til Thun Fótbolti „Ég er mjög sátt og þið verðið bara að bíða spennt“ Fótbolti Rúnar Alex brákaði bein á fyrstu æfingunni Fótbolti Sjáðu tvennur Eiðs og Nikolaj, aukaspyrnu Kjartans og öll hin mörkin Íslenski boltinn Æfir í Dublin en fer fyrr til New Orleans „að venjast hitanum og rakanum“ Sport Bandaríkin áfram en Kanada úr leik eftir vítaspyrnukeppni Fótbolti Karólína Lea sögð skrifa undir hjá Inter á næstu dögum Fótbolti Fleiri fréttir UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal Læra af reynslunni og leyfa vatnspásur í hitanum á Wimbledon Teflt í skjóli móbergsveggja í Laugarvatnshellum „Ég er mjög sátt og þið verðið bara að bíða spennt“ Annað áfall fyrir andstæðinga Íslands Skellihlegið í Stúkunni: Svipuð nærvera og þegar Bjössi hitti Karabatic í Lindex Fimmtán daga dómi Ingebrigtsen verður ekki áfrýjað Karólína Lea sögð skrifa undir hjá Inter á næstu dögum Þjálfari Botafogo látinn fara Rúnar Alex brákaði bein á fyrstu æfingunni Nýi þjálfarinn spilar öðruvísi og Orri verður aðalframherjinn Fór heim með þrjár treyjur og stuttbuxur Messi Fimm ástæður þess að Ísland falli strax út á EM Stúkan: Átti annað mark ÍA að standa og hver skoraði? EM í dag: Hitabylgja og hrakfarir við komuna til Thun Æfir í Dublin en fer fyrr til New Orleans „að venjast hitanum og rakanum“ Sex leikmenn Íslands í lyfjapróf Ber engan kala til Antonelli eftir áreksturinn Sjáðu tvennur Eiðs og Nikolaj, aukaspyrnu Kjartans og öll hin mörkin Bandaríkin áfram en Kanada úr leik eftir vítaspyrnukeppni Tekur Martinez við hönskunum hjá United? Paul Ince ákærður fyrir ölvunarakstur Eina konan í tækninefnd FIFA á HM: Ég er langsigursælust af þeim öllum Kane afgreiddi Brassana „Gaman að skora og ég held að allir viti hvað Víkingur er fyrir mér“ Íslandsmeistarar krýndir á Íslandsmótinu í hestaíþróttum „Ég hef aldrei séð aðrar eins tölur“ Joao Pedro til Chelsea Belgar vörðu Evrópumeistaratitilinn Sjá meira