Andri Guðjohnsen með eitt mark í sigri U17

Íslenska landsliðið skipað leikmönnum sautján ára og yngri byrjar vel á Norðurlandamótinu í knattspyrnu, en liðið vann 3-0 sigur á Norður-Írlandi í dag.

Leikið var í Sandgerði, en auk Norður-Íra eru Noregur og Pólland með Íslandi í A-riðli. Í B-riðli leika svo Danmörk, Færeyjar, Svíþjóð og Finnland.

Ísland komst yfir strax á fjórðu mínútu með marki frá Andra Lucasi Guðjohnsen, syni Eiðs Smára Guðjohnsen.

Karl Friðleifur Gunnarsson og Stefán Ingi Sigurðarson bættu svo við sitthvoru markinu áður en yfir lauk og lokatölur 3-0 sigur Íslands.

Næsti leikur Íslands er gegn Noregi á þriðjudaginn á Vogabæjarvelli áður en liðið mætir Póllandi í lokaleik riðilsins á fimmtudaginn næstkomandi.

Leikskýrslu leiksins má sjá hér.