Um fimmtíu skátar eru ennþá í fjöldahjálparstöðinni í Hveragerði vegna nórósýkingar. Alls veiktist 181 ungmenni og hefur meirihlutinn því verið útskrifaður. Snemma í morgun voru fimm ennþá með einkenni en aðrir voru að hressast.
Samráðshópur almannavarna fundar klukkan tíu og fer yfir málið. Fjóla Einarsdóttir, svæðisfulltrúi Rauða Krossins á Suðurlandi, segir þá einkennalausu vera bratta og voru skátarnir að spila og drekka kakó þegar fréttastofa hafði samband.
Nokkrir áttu flug frá Íslandi í morgun og veitti sóttvarnarlæknir þremur sem voru í Hveragerði leyfi til að fara í flugið. Fjóla á von á því að hægt verði að loka fjöldahjálparstöðinni síðar í dag.
Hægt að loka fjöldahjálparstöðinni í dag
Tengdar fréttir
Furðu brött þrátt fyrir allt
Umfangsmestu sjúkraflutningar í sögu Heilbrigðisstofnunar Suðurlands fóru fram í fyrrinótt. Vel á annað hundrað manns voru fluttir vegna bráðsmitandi nóróveirusýkingar. Flestir hinna veiku á batavegi og furðu brattir að sögn. Heilbrig
