Ederson, markvörður Manchester City, mætti á æfingu í dag en hann fékk þungt högg í andlit í leik liðsins gegn Liverpool á laugardag.
Sauma þurfti átta spor í kinn Brasilíumannsins en skurðinn fékk hann eftir að hafa fengið takkana undan skó Sadio Mane, leikmanni Liverpool, í sig. Mane fékk að líta rauða spjaldið fyrir.
Manchester City mætir Feyenoord í Meistaradeild Evrópu á miðvikudagskvöldið og er óvíst hvort að Ederson verði klár í slaginn. Hann æfði með hjálm líkt og þeim sem Petr Cech hefur notað um árabil.
Ef að Ederson spilar ekki á miðvikudag mun Claudio Bravo standa vaktina í marki City í hans stað.
Ederson byrjaður að æfa með hjálm
Tengdar fréttir
Messan: Sparkar höfuðið af markverði City
Sérfræðingar Messunnar voru sammála um að það átti að reka Sadio Mane af velli í leik Liverpool og Manchester City um helgina.
Átti Ritchie að fá rautt eins og Mane?
Tvö mjög svipuð atvik en refsingin var mismunandi.
Tíu leikmenn Liverpool flengdir á Etihad
Liverpool fékk stóran skell í 0-5 tapi gegn Manchester City á Etihad-vellinum í dag en eftir rautt spjald á Sadio Mane undir lok fyrri hálfleiksins var greinilegt í hvað stefndi og keyrðu heimamenn yfir þá rauðklæddu.
Sjáðu áverka Ederson | Mynd
Markmaður Manchester City, Ederson, skartar vígalegu sári á andliti eftir samstuð hans og Sadio Mane, leikmanns Liverpool, í leik liðanna um helgina.
