Mikill áhugi er á tyrknenska landsliðinu í fótbolta í Eskisehir þar sem það mætir Íslandi á morgun en Tyrkir eru fótboltaóðir og elska landsliðið sitt.
Fjölmargir stuðningsmenn voru mættir fyrir utan völlinn á æfingu liðsins í dag og biðu spenntir eftir að rútan rann í hlað. Þegar leikmennirnir stigu út reyndu allir að ná sjálfum með þeim af löngu færi.
Á meðan þetta var allt í gangi var búið að rúlla út á völl köku sem á stóð 100 en það var til marks um að á morgun spilar fyrirliðinn Arda Turan 100. leikinn sinn fyrir Tyrkland.
Krakkakór var fenginn á svæðið til að syngja fyrir Arda sem svaraði aðeins þremur stuttum spurningum á blaðamannafundi Tyrklands. Væntanlega spenntur fyrir því að fá sér sneið.
Eitt það fyndnasta á æfingunni í dag voru lögreglumennirnir sem voru mættir til að gæta tyrkneska liðsins. Þeir gátu ekki sleppt því að fá sjálfur með hetjunum sínum og voru svo að metast um hver hefði náð bestu myndinni.
Brot af þessum áhugaverða degi má sjá hér að ofan.
Kaka, krakkakór og löggur að taka sjálfur á æfingu Tyrklands
Tengdar fréttir
Heimir: Verður erfitt að koma skilaboðum inn á völlinn
Búist er við ærandi látum á nýja Eskisehir-vellinum annað kvöld þar sem Ísland mætir Tyrklandi.
Ólafur Ingi meira í bröndurunum en að fræða strákana um Tyrkland
Miðjumaður íslenska landsliðsins spilar í Tyrklandi.
Líkleg byrjunarlið á morgun: Kári gæti snúið aftur og Tyrkir í 4-4-2
Tyrkland vann Króatíu í 4-4-2 og er reiknað með tveimur breytingum hjá þeim.
Þjálfari Tyrklands: Viljum sýna að við erum betri en Ísland
Mircea Lucescu hefur mikla trú á sínum mönnum gegn Íslandi á morgun.
"Vildum sýna að þetta var engin heppni“
Landsliðsfyrirliðinn er stoltur af stöðugleikanum sem íslenska liðið hefur sýnt.
Heimir: Pössum að menn verði ekki of metnaðarfullir
Strákarnir okkar hugsa bara um leikinn á móti Tyrklandi á morgun og er ekki komnir fram úr sjálfum sér segir landsliðsþjálfarinn.
