Óli Kristjáns nýr þjálfari FH

Ólafur Kristjánsson hefur verið ráðinn þjálfari karlaliðs FH í fótbolta en hann var kynntur til leiks á blaðamannafundi í Kaplakrika nú rétt í þessu.

Ólafur hefur undanfarin ár stýrt liðum í Danmörku, fyrst Nordsjaelland og nú síðast Randers en hann ákvað í samráði við stjórn liðsins að hætta störfum á dögunum.

Síðast þegar hann þjálfaði á Íslandi stýrði hann liði Breiðabliks en undir hans stjórn urðu Blikar Íslands- og bikarmeistarar í fyrsta skiptið í sögu félagsins.

Heimir Guðjónsson hefur stýrt liði FH undanfarin ár, en hann var látinn fara á dögunum eftir vonbrigðatímabil í sumar.